ଭୁବନେଶ୍ବର : ରାତି ହେଉ କି ଦିନ, ଘର ହେଉ ବା ବାହାର । ହସ୍ପିଟାଲଠୁ ଆରମ୍ଭ କରି ରାସ୍ତା ଘାଟ ପର୍ଯ୍ୟନ୍ତ, ଅହରହ ଭୁତାଣୁ ଯୁଦ୍ଧରେ ସାଜିଛନ୍ତି ସେମାନେ ସଙ୍କଟମୋଚକ । ନିଜେ ଆକ୍ରାନ୍ତ ହୁଅନ୍ତୁ ପଛେ, ଲୋକଙ୍କ ସେବା ପାଇ ଖାକି ବର୍ଦ୍ଦି ପିନ୍ଧି ନିଭାଇଚାଲିଛନ୍ତି କର୍ତ୍ତବ୍ୟ ।
ହସ୍ପିଟାଲରେ କୋରୋନା ରୋଗୀକୁ ସ୍ଥାନାନ୍ତର ହେଉ ବା କୋଭିଡ଼ ହସ୍ପିପିଟାଲର ସୁରକ୍ଷା ଦାୟିତ୍ବ, କଣ୍ଟେନମେଣ୍ଟ ଜୋନକୁ ଠୁ ଆରମ୍ଭ କରି ସଂକ୍ରମଣ ପ୍ରବଣ ଅଚଳ ସବୁଠି ସେମାନେ ନିୟୋଜିତ । ଅନୁପ୍ରବେଶ ପାଇଁ ବାରଣ ଥିବା ସତ୍ତ୍ବେ ଲୋକଙ୍କ ସେବା ପାଇ ଡ଼୍ୟୁଟି କରିଚାଲିଛନ୍ତି ବିନା ଦିଧ୍ବାରେ । ରାସ୍ତା ଉପରେ ଆମାନିଆଙ୍କୁ ସାବାଡ ସହ ଲୋକଙ୍କ ହିତ ପାଇଁ ବଜାର ଘାଟରେ କରୁଛନ୍ତି ସଚେତନ ।
ପୋଲିସ ହେଲେ ବି ସେମାନେ ମଣିଷ.. ମନରେ ଭୂତାଣୁ ଭୟ ଥିଲେ ସୁଦ୍ଧା, ସେମାନେ ପଛଘୁଞ୍ଚା ଦେଇନାହାନ୍ତି କର୍ତ୍ତବ୍ୟରୁ । ଜନତାଙ୍କୁ ସୁରକ୍ଷା ଦେଉ ଦେଉ ବହୁତ ସମ୍ମୁଖ ଯୋଦ୍ଧା କବଳିତ ହୋଇଛନ୍ତି କୋରୋନା ପଞ୍ଝାରେ । କମିସନରେଟ ପୋଲିସର ତଥ୍ୟ ଅନୁସାରେ କୋଭିଡ଼ ଆରମ୍ଭରୁ ଏବେ ସୁଦ୍ଧା ୧୫୬୧ଜଣ ଆକ୍ରାନ୍ତ ହୋଇଛନ୍ତି କୋରୋନାରେ । ସେମାନଙ୍କ ମଧ୍ୟରୁ ଵିଭିନ୍ନ ଥାନା ଓ ପୋଲିସ ମୁଖ୍ୟାଳୟ ସମେତ ରିଜର୍ଭ ବାଟାଲିୟନ କାର୍ଯ୍ୟରତ ୭ଜଣ ପୋଲିସ କର୍ମଚାରୀ ପ୍ରାଣ ହରାଇଛନ୍ତି। ଏପରିକି ଗୋଟିଏ ଥାନାରେ ୩୫ଜଣ ଷ୍ଟାଫରୁ ୨୮ଜଣ ଆକ୍ରାନ୍ତ ହୋଇ ବି ଥାନା ଚଲାଇଛନ୍ତି ଅଫିସର । ହେଲେ ଅଟକିନି କୋଭିଡ଼ ଡ଼୍ୟୁଟି।