ଭୁବନେଶ୍ବର: ହେଲିକପ୍ଟରରେ ଚଢି ବିବାଦରେ ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମା । ହେଲିକପ୍ଟର ଗସ୍ତ ଉପରେ ପ୍ରଶ୍ନ ଉଠାଇଲେ ବିଜେପି ନେତା ତଥା ପୂର୍ବତନ ସାଂସଦ ବଳଭଦ୍ର ମାଝୀ । ଗତ 18 ତାରିଖ ଶନିବାର ସେ ନବରଙ୍ଗପୁରରୁ ଭୁବନେଶ୍ବରକୁ ହେଲିକପ୍ଟର ଯୋଗେ ଆସିଥିବାର କହି ଉଠାଇଲେ ପ୍ରଶ୍ନ ।
ହେଲିକପ୍ଟରରେ ଚଢି ବିବାଦରେ ଯୋଜନା ବୋର୍ଡ ଉପାଧ୍ୟକ୍ଷ ସଞ୍ଜୟ ଦାସବର୍ମା
ଯେଉଁଠି ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ ଭିଡିଓ କନଫରେନ୍ସରେ ବୈଠକ କରୁଛନ୍ତି ସେଠି ସଞ୍ଜୟ କିପରି ନିଜେ ଯାଇ ବୈଠକ କଲେ ବୋଲି ପ୍ରଶ୍ନ ଉଠାଇଲେ ପୂର୍ବତନ ସାସଂଦ । ଖର୍ଚ୍ଚ କାଟ ପାଇଁ ମୁଖ୍ୟମନ୍ତ୍ରୀ କହୁଥିବାବେଳେ ଲକଡାଉନରେ କିପରି ସେ ହେଲିକପ୍ଟରରେ ଆସିଲେ ବୋଲି କହି ସଞ୍ଜୟଙ୍କୁ ଘେରିଲେ ବଳଭଦ୍ର ।
ଏହାସହ ଏ ଅର୍ଥ କିଏ ବହନ କରିଛି, ସରକାର ନା ଦଳ ବୋଲି ପ୍ରଶ୍ନ ଉଠାଇଲେ ପୂର୍ବତନ ସାଂସଦ । ସେହିପରି କୋଭିଡ୍ ସ୍ଥିତିର ସମୀକ୍ଷା କରିବାକୁ ଯାଇ ନରେଗା କାମ କଥା ବୁଝିବା ଓ NFSA ରାସନ୍ କାର୍ଡ ବାଣ୍ଟିବାକୁ ନେଇ ମଧ୍ୟ ସେ ପ୍ରଶ୍ନ ଉଠାଇଛନ୍ତି ।