ଭୁବନେଶ୍ବର: ଖୋଲୁଛି ଆନ୍ଧ୍ରର ପୂର୍ବତନ ବିଧାୟକ ଏମଭି ପ୍ରସାଦଙ୍କ ଠକେଇ ଗୁମର । କିପରି ଚିଟଫଣ୍ଡ ଟଙ୍କାରେ ତିଆରି ହେଲା ତେଲୁଗୁ ଫିଲ୍ମ ଏବଂ କିପରି ରାଜନେତାରୁ ସାଜିଥିଲେ ଫିଲ୍ମ ନିର୍ମାତା ସେନେଇ ଖୋଳତାଡ ଆରମ୍ଭ କରିଛି ଅର୍ଥନୈତିକ ଶାଖା । ଗିରଫ ଏମଭି ପ୍ରସାଦଙ୍କ ଆର୍ଥିକ ନେଣଦେଣର ଗୁମର ଖୋଲିବାକୁ ତାଙ୍କୁ ରିମାଣ୍ଡରେ ଅଣାଯିବ । ଏଥିପାଇଁ ପୂର୍ବତନ ବିଧାୟକଙ୍କ ସମ୍ପତ୍ତିର ଯାଞ୍ଚ ଆରମ୍ଭ କରାଯାଇଛି ।
ଚିଟଫଣ୍ଡ ଟଙ୍କାରେ ତେଲୁଗୁ ଫିଲ୍ମ, ରିମାଣ୍ଡରେ ଆସିବେ ଆନ୍ଧ୍ର ପୂର୍ବତନ ବିଧାୟକ
ପୂର୍ବରୁ ଏମଭି ପ୍ରସାଦଙ୍କ ବିରୁଦ୍ଧରେ ଅନ୍ୟ ରାଜ୍ୟରେ ଥିବା ଅଭିଯୋଗ ଆଧାରରେ ସେହି ରାଜ୍ୟର ପୋଲିସ ସହ ଯୋଗାଯୋଗ କରାଯାଇଛି । ଏପରିକି ଆଗରୁ ମଧ୍ୟ ଏମଭି ପ୍ରସାଦ ସିବିଆଇ ଦ୍ବାରା ଗିରଫ ହୋଇଥିବାରୁ ତଦନ୍ତରେ ସିବିଆଇର ସହାୟତା ନିଆଯାଉଛି । ତେବେ ସମ୍ପତ୍ତି ଠାବ କରି ଆଟାଚ କଲେ ଏହାଦ୍ବାରା ଜମାକାରୀ ଟଙ୍କା ଫେରି ପାଇବାରେ ସହାୟକ ହୋଇପାରିବ ବୋଲି କହିଛନ୍ତି କ୍ରାଇମବ୍ରାଞ୍ଚ ଏଡିଜି ସଞ୍ଜୀବ ପଣ୍ଡା ।