ଭୁବନେଶ୍ବର: ସାମୁଦ୍ରିକ ଝଡ ଝାଡି ଦେଇଛି ରାଜଧାନୀର ଚମକ । ଫନି ଚାଲିଯାଇଛି । ହେଲେ ଯେଉଁ ଆଡେ ଆଖି ବୁଲେଇବେ ଖାଲି ଛାନଭିନ, ଛାରଖାର ଏବଂ ଛିନଛତ୍ର ଚିତ୍ର । ଫନି ବିଭୀଷିକାରେ ଭୁଶୁଡି ପଡିଥିବା ଭୁବନେଶ୍ବରରେ ଗତ 4ଦିନ ଧରି ଅନ୍ଧାରରେ ରାଜଧାନୀବାସୀ ଦିନ କାଟୁଥିବାବେଳେ ପାନୀୟ ଜଳ ପାଇଁ ଡହଳ ବିକଳ ହୋଇଛନ୍ତି । ଆଉ ଏଭଳି ସ୍ଥିତିରେ ଦେବଦୂତ ସାଜି ତୃଷ୍ଣା ମେଣ୍ଟାଉଛି ଫାୟାର ସର୍ଭିସ ।
ଭିଡିଓ ସୌଜନ୍ୟ:ସମ୍ବାଦଦାତା, ଭୁବନେଶ୍ବର
ରାଜଧାନୀର ଗଳିକନ୍ଦି, ବସ୍ତି ଓ କଲୋନୀରେ ଘୂରି ବୁଲୁଛି ଫାୟାର ସର୍ଭିସ ଗାଡି । ନିଆଁ ଲିଭାଇବାକୁ ନୁହେଁ ବଂର ପାନୀୟ ଜଳ ଯୋଗାଇବାକୁ ଏଭଳି ପ୍ରୟାସ ଆରମ୍ଭ କରିଛି ଦମକଳ ବାହିନୀ । ବାତ୍ୟା ଫନି ପରେ ରାଜଧାନୀରେ ବିଜୁଳି ଓ ପାନୀୟ ଜଳ ମୁଖ୍ୟ ସମସ୍ୟା ହୋଇଥିବାବେଳେ ୱାଟର ଟ୍ୟାଙ୍କରେ ଲୋକଙ୍କୁ ପାନୀୟ ଜଳ ଯୋଗା ଯାଉଛି ।