ରାଜଧାନୀର ଏକ ବ୍ୟାଙ୍କରେ ଅଗ୍ନିକାଣ୍ଡ, କାରଣ ଅସ୍ପଷ୍ଟ

ଚନ୍ଦ୍ରଶେଖରପୁରସ୍ଥିତ ଏଚଡିଏଫସି ବ୍ୟାଙ୍କରେ ଲାଗିଲା ନିଆଁ । ଧୂଆଁ ବାହାରିବା ଦେଖି ସିକ୍ୟୁରିଟି ଗାର୍ଡ ଖବର ଦେବାପରେ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଛି ।

ଭୁବନେଶ୍ବର: ରାଜଧାନୀରେ ଅଗ୍ନିକାଣ୍ଡ। ଚନ୍ଦ୍ରଶେଖରପୁରସ୍ଥିତ ଏଚଡିଏଫସି ବ୍ୟାଙ୍କରେ ଲାଗିଲା ନିଆଁ । ଧୂଆଁ ବାହାରିବା ଦେଖି ସିକ୍ୟୁରିଟି ଗାର୍ଡ ଖବର ଦେବାପରେ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଛି ।

ତେବେ ଅଗ୍ନିକାଣ୍ଡ ଯୋଗୁଁ ବ୍ୟାଙ୍କର ୟୁପିଏସ ସହ କମ୍ପ୍ୟୁଟର ଓ ଏସି ଜଳି ପୋଡି ପାଉଁଶ ହୋଇଯାଇଛି । ଏନେଇ ମ୍ୟାନେଜର କ୍ଷୟକ୍ଷତିର ଆକଳନ କରିଛନ୍ତି । ତେବେ କେଉଁ କାରଣରୁ ଅଗ୍ନିକାଣ୍ଡ ହୋଇଛି, ତାହା ଅସ୍ପଷ୍ଟ ରହିଛି । କିନ୍ତୁ ସଟସର୍କିଟ ଯୋଗୁଁ ଏଭଳି ହୋଇଥିବା ସନ୍ଦେହ କରାଯାଉଛି । ଏନେଇ ଅଗ୍ନିଶମ ଟିମ ପକ୍ଷରୁ ତଦନ୍ତ କରାଯାଉଛି । ବ୍ୟାପକ କ୍ଷୟକ୍ଷତି ହୋଇନଥିଲେ ମଧ୍ୟ ବଡ ଧରଣର ଅଗ୍ନିକାଣ୍ଡ ହେବାରୁ ଅଳ୍ପକେ ବର୍ତିଯାଇଛି ବ୍ୟାଙ୍କ ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ