ଭୁବନେଶ୍ବର: ପୁଣି ଜଣେ ଓଡ଼ିଆଙ୍କ ସଫଳତା । ଭାରତ ପାଇଁ ଓଡ଼ିଆ ପୁଅ ଆଣିଲେ ଗୌରବ । ନିଯୁକ୍ତି ପାଇଲେ FIH ଅଲମ୍ପିକର ସ୍ବାସ୍ଥ୍ୟ ଅଧିକାରୀ ଭାବରେ । ସେ ପୂର୍ବରୁ ଏକାଧିକ ଅନ୍ତର୍ଜାତିକ ହକି ପ୍ରତିଯୋଗିତାରେ ସ୍ବାସ୍ଥ୍ୟ ଅଧିକାରୀ ଭାବେ ନିଯୁକ୍ତି ପାଇଛନ୍ତି ।
ଓଡିଆ ପୁଅଙ୍କୁ ବଡ ଦାୟିତ୍ବ । ଟୋକିଓ ଅଲମ୍ପିକରେ ଫେଡେରେସନ ଅଫ ଇଣ୍ଡିଆନ ହକି ପକ୍ଷରୁ ପ୍ରଥମ ଭାରତୀୟ ସିନିୟର ମେଡିକାଲ ଅଫିସର ନିଯୁକ୍ତ ହୋଇଛନ୍ତି ବିଭୁ କଲ୍ୟାଣ ନାୟକ । 2018 ହକି ବିଶ୍ବକପରେ ମଧ୍ୟ ସେ FIHର ସ୍ବାସ୍ଥ୍ୟ ଅଧିକାରୀ ଥିଲେ । ଗତ ବର୍ଷ ହିଁ ଏଫଆଇଏଚ (FIH)ର ତାଙ୍କୁ ଟୋକିଓ ଅଲମ୍ପିକର ସ୍ବାସ୍ଥ୍ୟ ଅଧିକାରୀ ଘୋଷଣା କରିଥିଲା । କିନ୍ତୁ ଚଳିତ ବର୍ଷ ଟୋକିଓ ଅଲମ୍ପିକ ଘୁଞ୍ଚିବା ପରେ ବି ସେ ନିଜ ପଦ ବଞ୍ଚାଇ ରଖିଛନ୍ତି । ବିଭୁ କଲ୍ୟାଣ ସ୍ପୋର୍ଟସ ମେଡ଼ିସିନରେ ଦୀଘ ଦିନର ଅଭିଜ୍ଞତା ରହିଛି । ପୂର୍ବରୁ ମଧ୍ୟ ସେ ଆର୍ମି ସ୍ପୋର୍ଟସ ଇନଷ୍ଟିଚ୍ୟୁଟରେ କାର୍ଯ୍ୟ କରି ସାରିଛନ୍ତି ।
tokyo olympics: ବିଭୁ କଲ୍ୟାଣ ପ୍ରଥମ ଭାରତୀୟ ସିନିୟର ମେଡିକାଲ ଅଫିସର ନିଯୁକ୍ତ