ଭୁବନେଶ୍ବର: ବାତ୍ୟା ‘ଫନି’ ଯିବାର ଇତି ମଧ୍ୟରେ ସପ୍ତାହେ ପୁରିଲାଣି । ତଥାପି ସୁଧୁରିନି ସ୍ଥିତି । କାଳର କୋପକୁ ଦେଖି ଲୋକେ ଭୟଭୀତ ହୋଇଥିଲେ । ଯିଏ ଫନି ପ୍ରକୋପକୁ ଅଙ୍ଗେ ନିଭେଇଛି ସେ ଜାଣିଛି ସେଦିନର କଥା । ଫନି ମାଡରେ ସବୁଠାରୁ ଅଧିକ ଘାଇଲା ହୋଇଥିଲା ପୁରୀ ଜିଲ୍ଲା । ଏହି ଭୟଙ୍କର ବାତ୍ୟା କାହା ପରିବାର ଲୋକକୁ ଛଡାଇ ନେଇଛି କାହା ଘରକୁ ମାଟିରେ ମିଶାଇ ଦେଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ନିମାପଡା ବ୍ଲକର ବଉଳାପଦା ଗାଁ । ଏହି ଗାଁ ଲୋକେ 'ଫନି'ର ତାଣ୍ଡବକୁ ଅତି ନିକଟରେ ଦେଖିଥିଲେ । ଭୟଙ୍କର ବାତ୍ୟା କାହା ବାପାକୁ ଛଡାଇ ନେଇଛି ତ କାହା ଘରକୁ ଛିନଭିନ କରି ଦେଇଛି । ସେଦିନ ଝଡବାତ୍ୟାରେ ମିର୍ଜା ଗୁଲାମନ ନବୀଙ୍କ ବାପାଙ୍କ ଉପରେ କାନ୍ଥ ପଡିବାରୁ ତାଙ୍କର ମୃତ୍ୟୁ ହୋଇଥିଲା । ବାପାଙ୍କୁ ମେଡିକାଲକୁ ନେବାକୁ ଚାହିଁବି ନେଇ ପାରି ନଥିଲେ । ଫଳରେ ତାଙ୍କର ବାପାଙ୍କ ମୃତ୍ୟୁ ହୋଇଥିଲା । ଆଖି ସାମ୍ନାରେ ବାପାଙ୍କ ମୃତ୍ୟୁକୁ ଦେଖିଥିଲେ ମିର୍ଜା ।