ଭୁବନେଶ୍ବର: ରାଜ୍ୟରେ ଥିବା ଅଧ୍ୟାପକ ଓ ଅଧ୍ୟାପିକା ଆଉ ମନଇଚ୍ଛା ବଦଳି କରିପାରିବେ ନାହିଁ । ଭୁବନେଶ୍ବରରେ ଆୟୋଜିତ ବେସରକାରୀ ଅନୁଦାନପ୍ରାପ୍ତ ମହାବିଦ୍ୟାଳୟର ଅଧ୍ୟକ୍ଷ ଏବଂ ଉଚ୍ଚଶିକ୍ଷା ମନ୍ତ୍ରୀଙ୍କ ସହ ଏକ ସ୍ବତନ୍ତ୍ର ବୈଠକରେ ଏନେଇ ଚର୍ଚ୍ଚା ହୋଇଛି । ଏହାଛଡା ଛାତ୍ରଛାତ୍ରୀଙ୍କ ଉପସ୍ଥାନ, ଡ୍ୟୁଟି ସମୟ ଓ ଅନ୍ୟତ୍ର ବଦଳି ଦିଗରେ ଆଲୋଚନା ହେବା ସହ ନୂଆ ନିୟମକୁ ନେଇ ନିଆଯିବ ବିଶେଷ ପଦକ୍ଷେପ ।
ଗୁରୁବାର ରାଜ୍ୟର ୬୬୨ ବର୍ଗର ମହାବିଦ୍ୟାଳୟର ୭୫ ଜଣ ଅଧ୍ୟକ୍ଷ ଯୋଗଦେଇ ସେମାନଙ୍କର ବିଭିନ୍ନ ସମସ୍ୟା ଶୁଣାଯାଇ ସମାଧାନ କରାଯାଇଛି । ଉଚ୍ଚଶିକ୍ଷା ଦିଗରେ ଉନ୍ନତ ପଦକ୍ଷେପ ନିଆଯାଇ ଶିକ୍ଷାର ମାନ ବୃଦ୍ଧି କରିବା ନେଇ ଆୟୋଜିତ ହୋଇଛି ଏହି ବୈଠକ । ରାଜ୍ୟର ଅଧ୍ୟାପକ ଓ ଅଧ୍ୟାପିକାଙ୍କ ମନଇଚ୍ଛା ବଦଳି ହେତୁ ଛାତ୍ରଛାତ୍ରୀଙ୍କ ପାଠପଢାରେ ବ୍ୟାଘାତ ସୃଷ୍ଟି ହେଉଥିବା ନେଇ ଅଭିଯୋଗ କରିଥିଲେ ଅଧ୍ୟକ୍ଷ ମାନେ । ମନଇଚ୍ଛା ବଦଳିକୁ ନିୟମକୁ କଡାକଡି କରାଯାଇ ଜଣେ ଅଧ୍ୟାପକ ସର୍ବନିମ୍ନ 3ରୁ 4ବର୍ଷ ଗୋଟିଏ ମହାବିଦ୍ୟାଳୟର କାର୍ଯ୍ୟ କରିବା ବାଧ୍ୟତାମୂଳକ ହେବ । ବିଭାଗ ପକ୍ଷରୁ ଜାରି ହୋଇଥିବା ନୂତନ ମଡ୍ୟୁଲ PIMS ମାଧ୍ୟମରେ ସମସ୍ତ ତଥ୍ୟ ଅପଡେଟ ହେବ । ଛାତ୍ରଛାତ୍ରୀଙ୍କ ଉପସ୍ଥାନ ବଢିବା ନେଇ ନିଆଯିବ ସ୍ବତନ୍ତ୍ର ପଦକ୍ଷେପ ।