ଭୁବନେଶ୍ବର:ହରିୟାଣାକୁ ଅକ୍ସିଜେନ ପଠାଇଲା ରାଜ୍ୟ । 32 ଟନ୍ ଅମ୍ଳଜାନ ଅନୁଗୋଳ ଟାଟା ଭୂଷଣ ଷ୍ଟିଲ୍ ପ୍ଲାଣ୍ଟରୁ ରୋରୋ ସେବାରେ ହରିୟାଣାକୁ ପଠାଇଛି ପୂର୍ବତଟ ରେଳବାଇ । ଗତକାଲି ସନ୍ଧ୍ୟାରେ କାର୍ଗୋ ଫ୍ଲାଇଟରେ ଦୁଇଟି ଖାଲି ଟ୍ୟାଙ୍କର ଆସିଥିଲା । ଆଜି ସକାଳେ ସେଥିରେ ଅମ୍ଳଜାନ ପଠାଯାଇଛି ।
ସେପଟେ ପୂର୍ବତଟ ରେଳପଥ ଏହାର ପରିସୀମା ମଧ୍ୟରୁ ଅମ୍ଳଜାନ ଏକ୍ସପ୍ରେସ ସ୍ପେଶାଲ ଟ୍ରେନର ସୁରକ୍ଷିତ ଚଳାଚଳ ଏବଂ ଏହି ଟ୍ରେନଗୁଡ଼ିକୁ ଶୀଘ୍ର ପଠାଇବା ପାଇଁ ସମସ୍ତ ସତର୍କତା ଅବଲମ୍ବନ କରିଛି । ରେଳବାଇ ଅମ୍ଳଜାନ ଏକ୍ସପ୍ରେସ ମିଶନ ମୋଡରେ ଜୀବନ ରକ୍ଷାକାରୀ ଅମ୍ଳଜାନକୁ ବିଭିନ୍ନ ଗନ୍ତବ୍ୟ ସ୍ଥଳକୁ ପରିବହନ ଜାରି ରଖିଅଛି ଏବଂ ବିଭିନ୍ନ ରାଜ୍ୟକୁ ସେବା ପ୍ରଦାନ କରୁଅଛି ।