ଭୁବନେଶ୍ବର:ଲୋକଙ୍କ ହାତ ପାହାନ୍ତାରେ ଜିନିଷ ପହଞ୍ଚାଇବାକୁ ଅନଲାଇନ ସୁବିଧା ରହିଛି । ଲାଭ ରଖିବା ଆଶାରେ ଅନଲାଇନରେ ଜିନିଷ ଅର୍ଡର କରିବା ନେଇ ଲୋକଙ୍କ ମଧ୍ୟରେ ଅଧିକ ଆଗ୍ରହ ମଧ୍ୟ ଦେଖାଦେଇଛି । ଅନଲାଇନରେ ମେଡିସିନ ଉବଲବ୍ଧ ହେବା ପରେ ଲୋକ ଅନଲାଇନରେ ଘରେ ବସି ମେଡିସିନ ଅର୍ଡର କରିବା ଆରମ୍ଭ କରିଛନ୍ତି ଯାହା ଲୋକଙ୍କୁ ମହଙ୍ଗା ପଡିଛି । ଅନଲାଇନରେ ନକଲି ଔଷଧ ଆସୁଥିବା ଅଭିଯୋଗ ହୋଇଛି । ଏ ଦିଗରେ ଡ୍ରଗ୍ସ କଣ୍ଟ୍ରୋଲର ପଦକ୍ଷେପ ଗ୍ରହଣ କରିବାକୁ କହିଛନ୍ତି ଖୋର୍ଦ୍ଧା ଜିଲ୍ଲା ଡ୍ରଗିଷ୍ଟି ସଂଘର ସଭାପତି ପ୍ରଗତି ମହାନ୍ତି ।
ଅନଲାଇନ ମେଡିସିନ କାରବାରରେ ଅନେକ ସମୟରେ ଔଷଧ ନକଲି ଆସିଥାଏ । ଅନେକ ସମୟରେ କମ୍ପାନୀ ମଧ୍ୟ ନକଲି ଆସିଥାଏ । ଔଷଧ ସମ୍ପୂର୍ଣ୍ଣ ଭାବରେ ଅସଲି ଭଳି ଦେଖାଯାଉଥିବା ବେଳେ ଜାଣିବା ମୁସ୍କିଲ ହୋଇପଡିଯାଏ ଏହି ଅସିଲି କି ନକଲି । ଔଷଧ ଦୋକାନୀମାନେ ଅଧିକ ଲାଭ ଆଶାରେ ବିଭିନ୍ନ କମ୍ପାନୀଠାରୁ ଔଷଧ କିଣିଥାନ୍ତି । ଯାହା ଫଳରେ ଦୋକାନିଙ୍କୁ କମ ପଇସାରେ ଔଷଧ ମିଳିଯାଉଛି । ଏହି ନକଲି ଔଷଧ କାରବାରରେ ଚଢାଉ ବେଳେ ଅନେକ ଧରା ପଡୁଛନ୍ତି । ଏନେଇ ଡ୍ରଗ୍ସ କଣ୍ଟ୍ରୋଲର କାର୍ଯ୍ୟାନୁଷ୍ଠାନ ଗ୍ରହଣ କରିବାର ଆବଶ୍ୟକତା ରହିଛି ।