ଭୁବନେଶ୍ବର : କଳାବଜାରୀ ରୋକିବାକୁ ସ୍ମାର୍ଟସିଟି ଭୁବନେଶ୍ବର ମେଡ଼ିସିନ ଷ୍ଟୋର ଉପରେ ଚଢ଼ଉ। ଭେଷଜ ନିୟନ୍ତ୍ରଣ କାର୍ଯ୍ୟାଳୟ ପକ୍ଷରୁ ରବିବାର ଭୁବନେଶ୍ବର ୩ଟି ଜୋନ ପକ୍ଷରୁ ସହରର ବିଭିନ୍ନ ମେଡ଼ିସିନ ଷ୍ଟୋର ଗୁଡିକରେ ଚଢ଼ଉ କରାଯାଇଥିଲା। ୩ଟି ଜୋନର ଭେଷଜ ନିରୀକ୍ଷକଙ୍କ ସୂଚନା ଅନୁସାରେ ଔଷଧ ଦୋକାନରେ ପର୍ଯ୍ୟାପ୍ତ ସାନିଟାଇଜର ଓ ମାସ୍କ ରଖାଯାଇଛି । ଜନସାଧାରଣ ବିଚଳିତ ନହେବା ପାଇଁ ବିଭାଗ ପକ୍ଷରୁ ଅନୁରୋଧ କରାଯାଇଛି ।
ମାସ୍କ ଓ ସାନିଟାଇଜର କଳାବଜାରୀ ରୋକିବାକୁ ଚଢଉ
କରୋନା ଭାଇରସ ଏବେ ତାର କାୟା ବିସ୍ତାର କରୁଥିବା ବେଳେ ଏହାଠାରୁ ଦୁରେଇ ରହିବାକୁ ସ୍ବାସ୍ଥ୍ୟ ବିଭାଗ ପକ୍ଷରୁ ମାସ୍କ ଓ ସାନିଟାଇଜର ବ୍ୟବହାର କରିବାକୁ କୁହାଯାଇଛି। ଏଥିପାଇଁ ସାନିଟାଇଜର ଓ ମାସ୍କ କଳାବଜାରୀ ହେଉଥିବା ଜଣାପଡିଛି । ଚଢା ଦରରେ ବିକ୍ରି ହେଉଛି ମାସ୍କ ଓ ସାନିଟାଇଜର । ଯାହାକୁ ଦେଖି ଭେଷଜ ନିୟନ୍ତ୍ରଣ କାର୍ଯ୍ୟାଳୟ ପକ୍ଷରୁ ସହରର ବିଭିନ୍ନ ମେଡ଼ିସିନ ଷ୍ଟୋରରେ ଚଢ଼ାଉ କରିଥିଲା ।