ଭୁବନେଶ୍ବର:କୋରୋନା ଏବେ ସହରରୁ ଗାଁ ମୁହାଁ ହୋଇଛି । ଏ ନେଇ ଗ୍ରାମାଞ୍ଚଳକୁ ଫୋକସରେ ରଖାଯାଇଛି । ଗାଁରେ ସଂକ୍ରମଣରେ ବ୍ରେକ ଲଗାଇବା ପାଇଁ ଅଣ୍ଟା ଭିଡିଛନ୍ତି ରାଜ୍ୟ ସରକାର । ଏଣିକି ଗାଁରେ ଡୋର ଟୁ ଡୋର ବୁଲି ସର୍ଭେ କରିବେ ସ୍ବାସ୍ଥ୍ୟକର୍ମୀ । ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ଗାଁରେ ପ୍ରତ୍ୟେକ ପରିବାରକୁ ସଚେତନ କରାଯିବା ସହିତ ଲୋକଙ୍କ ସ୍ବାସ୍ଥ୍ୟବସ୍ଥା ଯାଞ୍ଚ କରାଯିବ ।
ଡୋର ଟୁ ଡୋର କରାଯିବ ସର୍ଭେ
କୋରୋନାର ଦ୍ବିତୀୟ ଲହରରେ ବର୍ତ୍ତମାନ ଗ୍ରାମାଞ୍ଚଳକୁ ବ୍ୟାପିଛି ମହାମାରୀ । ସେଥିପାଇଁ ଗ୍ରାମଞ୍ଚଳକୁ ଫୋକସ ରଖାଯାଇଛି। ପୂର୍ବରୁ ଆଇଏଲଆଇ ସର୍ଭେ ସହ ଡେଙ୍ଗୁ , ମ୍ୟାଲେରିଆ ଓ ଡାଏରିଆର ଇଣ୍ଟିଗ୍ରେଟେଡ଼ ସର୍ଭେ ତିନି ମାସ ପାଇଁ ହୋଇଥିଲା । ଯାହାକୁ ପୁଣି ସକ୍ରିୟ କରାଯାଇଛି । ସରକାରଙ୍କ ନିର୍ଦ୍ଦେଶ କ୍ରମେ ଡୋର ଟୁ ଡୋର ସର୍ଭେକୁ ଫୋକସ କରାଯିବ ।