ଭୁବନେଶ୍ବର: ଶରଧାବାଲିରେ ତିନି ରଥ ଥିବାବେଳେ ମହାପ୍ରଭୁଙ୍କ ଦର୍ଶନ ପାଇଁ ଭକ୍ତଙ୍କୁ ଅନୁମତି ମିଳିନାହିଁ । ଯେଉଁଥିଲାଗି ପୁରୀକୁ ଭକ୍ତମାନେ ନ ଯିବା ଲାଗି ପରାମର୍ଶ ଦେଇଛନ୍ତି ପୋଲିସ ଡିଜି ଅଭୟ । ଏନେଇ ସେ ଟ୍ବିଟ୍ କରି କହିଛନ୍ତି, ‘ମହାପ୍ରଭୁଙ୍କ ଦର୍ଶନ ଉପରେ କଟକଣା ଲାଗିଛି । ବର୍ତ୍ତମାନ ପୁରୀର କିଛି ସ୍ଥାନରେ କର୍ଫ୍ୟୁ ବଳବତ୍ତର ରହିଛି ।’ ତେଣୁ ଆଜି କେହି ପୁରୀ ଯାଅ ନାହିଁ ବୋଲି ସେ ଅନୁରୋଧ କରିଛନ୍ତି ।
ଗତକାଲି ଘୋଷଯାତ୍ରାରେ ଶ୍ରୀମନ୍ଦିରର ରତ୍ନବେଦୀରୁ ବାହାରି ଚତୁର୍ଦ୍ଧାମୂର୍ତ୍ତି ଜନ୍ମବେଦୀକୁ ଆସିଛନ୍ତି । ଯେଉଁଥିଲାଗି ଶ୍ରୀଗୁଣ୍ଡିଚା ମନ୍ଦିର ଚଳଚଞ୍ଚଳ ହୋଇପଡିଛି । ବର୍ତ୍ତମାନ ଶରଧାବାଲିରେ ରଥ ଉପରେ ତିନି ଠାକୁର ଥିବାବେଳେ ଆଜି ସନ୍ଧ୍ୟାରେ ଆଡପମଣ୍ଡପ ବିଜେ କରିବେ । ଯେଉଁଥିଲାଗି ପ୍ରସ୍ତୁତି ଆରମ୍ଭ ହୋଇଛି ।