କୋରୋନା ପରେ ମାନସିକ ଭାବେ ରୁହନ୍ତୁ ଆଶ୍ବସ୍ତ: DMET

କୋରୋନାରୁ ସୁସ୍ଥ ହେବା ପରେ ମାନସିକ ଭାବେ ଆଶ୍ବସ୍ତ ରହିବାକୁ ଲୋକଙ୍କୁ ପରାମର୍ଶ ଦେଇଛନ୍ତି DMET ସିବିକେ ମହାନ୍ତି । ଅଧିକ ପଢ଼ନ୍ତୁ...

ଭୁବନେଶ୍ବର: ପୋଷ୍ଟ କୋଭିଡ ବା କୋରୋନା ପରେ ଲୋକଙ୍କ ମାନସିକ ସ୍ଥିତି ନେଇ ସୂଚନା ଦେଇଛନ୍ତି DMET ସିବିକେ ମହାନ୍ତି । କୋଭିଡ ପରେ ମାନସିକ ସ୍ତରରେ ଆଶ୍ବସ୍ତ ରହିବାକୁ ପରାମର୍ଶ ଦେଇଛନ୍ତି । ଯଦି କୌଣସି ଭୟ ଓ ଲକ୍ଷଣଙ୍କୁ ନେଇ ଆଶଙ୍କା ରହୁଛି ତେବେ ଡାକ୍ତରଙ୍କ ପରାମର୍ଶ ନିଅନ୍ତୁ କହିଛନ୍ତି DMET ।

ପୋଷ୍ଟ କୋଭିଡ ନେଇ ପ୍ରତିକ୍ରିୟା ଦେଇ DMET ସିବିକେ ମହାନ୍ତି କହିଛନ୍ତି ଯେ, କୋଭିଡ ପରେ ବହୁତ ରୋଗୀଙ୍କ ଦେହରେ ଦୁର୍ବଳତା, ଭୋକ ନହେବା, ବେଳେବେଳେ ଅଣନିଶ୍ବାସୀ ଲାଗିବା, ଚାଲିଲେ ଧଇଁସଇଁ ହେବା ପରି ଲକ୍ଷଣ ଦେଖାଯାଉଛି।

କିଛି ଲକ୍ଷଣ ଶାରୀରିକ ଓ କିଛି ଲକ୍ଷଣ ମାନସିକ ମଧ୍ୟ ରହୁଛି । କିନ୍ତୁ ଯଦି କାହାର ଶାରୀରିକ ଲକ୍ଷଣ ଦେଖାଯାଉଛି, ତେବେ ସେମାନେ ଡାକ୍ତରଖାନା ଆସନ୍ତୁ ଓ ନିଜକୁ ପରୀକ୍ଷା କରାଇ ନିଅନ୍ତୁ। ସବୁଠାରୁ ବଡ଼ କଥା ହେଉଛି ଲୋକମାନେ ମାନସିକ ସ୍ତରରେ ଆଶ୍ବସ୍ଥ ରୁହନ୍ତୁ। ସେମାନଙ୍କୁ ଆବଶ୍ୟକ ପଡ଼ିଲେ ଡାକ୍ତରୀ ଚିକିତ୍ସା ଦେବାରେ କୌଣସି ଅସୁବିଧା ନାହିଁ। ତେଣୁ ମାନସିକ ସ୍ତରରେ ନିଜକୁ ପ୍ରସ୍ତୁତ ରଖିବା ଓ ପୁରୁଣା ଜୀବନ ଶୈଳୀକୁ ଫେରିବା ପାଇଁ ଚେଷ୍ଟା କରନ୍ତୁ ବୋଲି ସିବିକେ ମହାନ୍ତି କହିଛନ୍ତି।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ