ଭୁବନେଶ୍ବର:ରାତି ପହିଲେ ଦେବ ଦେବ ମହାଦେବ ଶିବଙ୍କର ପବିତ୍ର ଜାଗର ଯାତ୍ରା । ପ୍ରତିଥର କିଛି ନୂଆ କରୁଥିବା ଶିଳ୍ପୀ ଈଶ୍ବର ଚଳିତ ବର୍ଷ ମଧ୍ୟ ମହାଶିବରାତ୍ରୀ ପୂର୍ବରୁ ମହାଦେବଙ୍କୁ କାଚ ଭିତରେ ପ୍ରସ୍ତୁତ କରି ନିଆର ସୂକ୍ଷ୍ମ କାରୁକାର୍ଯ୍ୟ ପ୍ରଦର୍ଶନ କରିଛନ୍ତି ।
ବୋତଲ ଭିତରେ ଶିବ ମନ୍ଦିର!
ଖୋର୍ଦ୍ଧାର ଏଲ ଈଶ୍ବର ରାଓ ପ୍ରତିଥର କିଛି ନୂଆ ସୂକ୍ଷ୍ମ କାର୍ଯ୍ୟ କରନ୍ତି । ଚଳିତ ଥର ସେ ମହାଦେବଙ୍କୁ କାଚ ବୋତଲ ଭିତରେ ପ୍ରସ୍ତୁତ କରିଛନ୍ତି । ଶିଳ୍ପୀ ଏଲ ଈଶ୍ବର ରାଓ ବୋତଲ ଭିତରେ ଶିବ ମନ୍ଦିର ତିଆରି କରି ଶ୍ରଦ୍ଧାଳୁମାନଙ୍କୁ ଶୁଭେଚ୍ଛା ଜଣାଇଛନ୍ତି । ଏକ କାଚ ବୋତଲ ଭିତରେ ସେ ମାଟି ସାହାଯ୍ୟରେ ସୁନ୍ଦର ଶିବ ମନ୍ଦିର ପ୍ରସ୍ତୁତ କରିଛନ୍ତି । ଯାହାର ଉଚ୍ଚତା 12 ଇଞ୍ଚ ଓ 6 ଚଉଡା ଇଞ୍ଚ ରହିଛି । ଏହା ସହିତ ମନ୍ଦିର ଚାରିପାଖରେ ଯେଭଳି ଭିନ୍ନ ଦେବା ଦେବୀଙ୍କ ସହ ଆଗରେ ବୃଷଭଙ୍କ ମୂର୍ତ୍ତି ଥାଏ । ଏଥିରେ ମଧ୍ୟ ତାହାକୁ ସେ ସ୍ଥାନ ଦେଇଛନ୍ତି । ତେବେ ଏଥି ପାଇଁ ତାଙ୍କୁ 3 ମାସ ପରିଶ୍ରମ କରିବାକୁ ପଡିଥିବା ସେ କହିଛନ୍ତି ।