ଭୁବନେଶ୍ବର:କମୁଛି ସଂକ୍ରମଣ କମୁନାହିଁ ମୃତ୍ୟୁସଂଖ୍ୟା । ଦିନକୁ ଦିନ ରାଜ୍ୟରେ ବଢି ଚାଲିଛି କୋରୋନାଜନିତ ମୃତ୍ୟୁସଂଖ୍ୟା । ସ୍ବାସ୍ଥ୍ୟ ବିଭାଗର ରିପୋର୍ଟ ଅନୁସାରେ ଆଜି(ରବିବାର) ଦିନକରେ ୬୯ଜଣଙ୍କ ଜୀବନ ନେଇଛି ମହାମାରୀ । ରାଜ୍ୟରେ ମୋଟ କୋରୋନାଜନିତ ମୃତକଙ୍କ ସଂଖ୍ୟା ୭୮୩୪କୁ ବୃଦ୍ଧି ହୋଇଛି ।
ଆଜିର ମୃତକଙ୍କ ମଧ୍ୟରେ କଟକରୁ ୧୯, ଅନୁଗୋଳରୁ 10, ଜଗତସିଂହପୁରରୁ ୯ଜଣ ଆକ୍ରାନ୍ତଙ୍କ ମୃ୍ତ୍ୟୁ ହୋଇଥିବାବେଳେ ମୟୂରଭଞ୍ଜ ଓ ନୟାଗଡରୁ ୫ଜଣ ଲେଖାଏଁ ରୋଗୀଙ୍କୁ ମୃତ୍ୟୁ ହୋଇଛି । ଏହାବାଦ ବାଲେଶ୍ବର, କେନ୍ଦ୍ରାପଡା ଓ ଢେଙ୍କାନାଳରୁ ୪ଜଣ ଲେଖାଏଁ ଆକ୍ରାନ୍ତଙ୍କ ଜୀବନ ଯାଇଥିବାବେଳେ ଭଦ୍ରକ ଓ ଯାଜପୁରରୁ ୩ଜଣ, ପୁରୀରୁ ୨ଜଣ ଓ କେନ୍ଦୁଝରରୁ ଜଣେ ରୋଗୀଙ୍କ ଜୀବନ ନେଇଛି କିଲର କୋରୋନା ।