ଭୁବନେଶ୍ବର: ବାତ୍ୟା ବୁଲବୁଲକୁ ନେଇ ଲୋକସେବା ଭବନରେ ସମୀକ୍ଷା ବୈଠକ । ଏସଆରସି, ମୁଖ୍ୟ ଶାସନ ସଚିବ, କୃଷି ସଚିବ ଓ ଗୃହ ସଚିବ ବୈଠକରେ ଉପସ୍ଥିତ ରହିଛନ୍ତି। ତେବେ କେନ୍ଦ୍ର କ୍ୟାବିନେଟ ସଚିବଙ୍କ ସହ ଭିଡିଓ କନଫରେନ୍ସ ଜରିଆରେ ଆଲୋଚନା ପରେ ମୁଖ୍ୟ ଶାସନ ସଚିବ ବାତ୍ୟା ପରିସ୍ଥିତି ନେଇ ନିଜ ପ୍ରତିକ୍ରିୟା ଦେଇଛନ୍ତି ।
ଲୋକସେବା ଭବନରେ ବାତ୍ୟା ‘ବୁଲବୁଲ’ ସମୀକ୍ଷା ବୈଠକ
ସୂଚନା ଅନୁଯାୟୀ ଭିଡିଓ କନଫରେନ୍ସ ଜରିଆରେ ଓଡିଶା ଓ ପଶ୍ଚିମବଙ୍ଗ ସହ ବାତ୍ୟା ପରିସ୍ଥିତି ସମ୍ପର୍କରେ ଆଲୋଚନା ହୋଇଛି । ବାତ୍ୟା ବୁଲବୁଲର କ’ଣ ପ୍ରଭାବ ରହିଛି ସେ ନେଇ ବିସ୍ତୃତ ଆଲୋଚନା ହୋଇଛି । ଆଲୋଚନାରେ ସ୍ପଷ୍ଟ ହୋଇଛି କି ରାଜ୍ୟରେ ବାଲେଶ୍ବର, ଭଦ୍ରକ, କେନ୍ଦ୍ରାପଡା ଓ ଜଗତସିଂହପୁର ବିଶେଷ ଭାବେ ପ୍ରଭାବିତ ହୋଇଛି । ଏଥିସହ 6ଟି ବ୍ଲକରେ ଅଧିକ ବର୍ଷା ହୋଇଛି ।