ଭୁବନେଶ୍ବର: ଆଜି(ମଙ୍ଗଳବାର) ପବିତ୍ର ଧନତେରାସ ବା ଧନର ଦିବସ । ଜୀବନରେ ସୁଖ ସମୃଦ୍ଧି ବୃଦ୍ଧି ପାଇଁ ଏହି ଦିବସ ପାଳନ କରାଯାଇଥାଏ । ଆଜିର ଦିନରେ କିଛି ମୂଲ୍ୟବାନ ଜିନିଷ କିଣିଲେ ଘରକୁ ଲକ୍ଷ୍ମୀ ଆସନ୍ତି ବୋଲି ବିଶ୍ବାସ ରହିଛି । ଏଣୁ ରାଜଧାନୀରେ ଆଜି ସୁନା ଦୋକାନରେ ଗ୍ରାହକଙ୍କ ଭିଡ଼ ଦେଖିବାକୁ ମିଳିଛି ।
ଆଜି ଧନତେରାସ, ସୁନା ଦୋକାନରେ ଜମୁଛି ଭିଡ
ଏହି ବିଶ୍ବାସ ଓ ଦିନକୁ ନେଇ ଭୁବନେଶ୍ବର ବିଭିନ୍ନ ଗହଣା ଦୋକାନରେ ସୁନା କିଣିଛନ୍ତି ଅନେକ ଗ୍ରାହକ । ଆଉ ଲୋକଙ୍କ ଚାହିଦାକୁ ଦୃଷ୍ଟିରେ ରଖି ଗହଣା ଦୋକାନରେ ବି ବିଭିନ୍ନ ଅଫର ପ୍ରଦାନ କରାଯାଉଛି । ଶୁଦ୍ଧତା ଯାଞ୍ଚ କରିବା ସହ ହଲମାର୍କ ଚେକ କରି ସୁନା କିଣି ନେଉଥିବା ବେଳେ ଲକ୍ଷ୍ମୀଙ୍କ ଆବାହନକୁ ନେଇ ବେଶ ଖୁସି ଅଛନ୍ତି ଗ୍ରାହକ ।