ଭୁବନେଶ୍ବର: ରାଜଧାନୀରେ ପରିବା ଦର ଆକାଶ ଛୁଆଁ ହୋଇଛି । ଯେଉଁ ପରିବାକୁ ଛୁଇଁବେ ଦର ୫୦ରୁ ଉପରେ । କିଣିବା ତ ଦୂରର କଥା, ଦର ଶୁଣି ବଜାର ଯିବାକୁ ମନଊଣା କରୁଛନ୍ତି ଗ୍ରାହକ । ସମୟ ଏମିତି ଯେ ପରିବା ବ୍ୟବସାୟୀ ମଧ୍ୟ କିଲୋ ପ୍ରତି ଦର ଡାକିବା ପରିବର୍ତ୍ତେ ଅଧକିଲୋ ଓ ୨୫୦ ଗ୍ରାମ ପ୍ରତି ଦର ଡାକୁଛନ୍ତି ।
ସ୍ମାର୍ଟ ସିିଟିରେ ଆକାଶ ଛୁଆଁ ପରିବା ଦର, ସବୁ ୫୦ ପାର୍
ଆଜି ଭୁବନେଶ୍ବରର ବିଭିନ୍ନ ବଜାରରେ ବିନ୍ସ କିଲୋ ପ୍ରତି 80 ଟଙ୍କା, କ୍ୟାପିସିକମ୍ 70 ଟଙ୍କା, ପୋଟଳ 60 ଟଙ୍କା, ବାଇଗଣ 70 ଟଙ୍କା ପ୍ରତି କିଲୋ ଦର ରହିଛି । ପିଆଜ କେଜି 50 ଟଙ୍କାରୁ କମ୍ରେ ମିଳୁନାହିଁ । କୋରୋନା ମହାମାରୀ ଯୋଗୁଁ ଲୋକଙ୍କ ଆର୍ଥିକ ସ୍ଥିତି ଦୁର୍ବଳ ହୋଇଛି । ଏଭଳି ସ୍ଥିତିରେ ପରିବାର ଦର ବୃଦ୍ଧି ସାଧାରଣ ଲୋକଙ୍କ ଚିନ୍ତା ବଢ଼ାଇ ଦେଇଛି । ଲୋକଙ୍କ ହାଣ୍ଡିଶାଳ ଉପରେ ପରିବା ଦରବୃଦ୍ଧି ପ୍ରଭାବ ପକାଇଛି ।