ଭୁବନେଶ୍ବର: ସାଂସ୍କୃତିକ ଅନୁଷ୍ଠାନ ‘ଓଡ଼ିଶା କଲ୍ଚରାଲ୍ ସର୍କଲ୍’ ପକ୍ଷରୁ ହୋଟେଲ ସ୍ବସ୍ତି ପ୍ରିମିୟମରେ ସାଂସ୍କୃତିକ କନ୍କ୍ଲେଭ୍ ‘ଓଡ଼ିଆ ଅସ୍ମିତା’ ଆୟୋଜିତ ହୋଇଯାଇଛି। ଓଡ଼ିଶାର ସ୍ବାଭିମାନକୁ ଉଦଜୀବିତ କରିବା ସହ ଆମ ମାଟିର ଗର୍ବ, ଗୌରବକୁ ଆହୁରି ପରିଚିତ କରାଇବା ପାଇଁ ଏଭଳି ଏକ କାର୍ଯ୍ୟକ୍ରମର ଉଦଘାଟନ କରାଯାଇଛି । 7 ବର୍ଷ ହେବ ଅନୁଷ୍ଠାନ ଓଡିଆ ଭାଷା, ସାହିତ୍ୟ ଓ ସଂସ୍କୃତିର ଅସ୍ମିତା ଉଦଜୀବିତ କରିବା ପାଇଁ କାମ କରିଆସୁଛନ୍ତି ।
‘ଓଡିଆ ଭାଷା ବଞ୍ଚିଲେ ଓଡିଶାର ଅସ୍ମିତା ବଞ୍ଚିବ’
ଏହି ଅବସରରେ ବିଶିଷ୍ଟ ବକ୍ତାଙ୍କ ସାରଗର୍ଭକ ବକ୍ତବ୍ୟ, ଲବ୍ଧ ପ୍ରତିଷ୍ଠ କଣ୍ଠଶିଳ୍ପୀଙ୍କ ଦ୍ବାରା ଓଡ଼ିଆ ଦେଶାତ୍ମବୋଧ ସଙ୍ଗୀତ ଓ ସମୃଦ୍ଧ ଲୋକନୃତ୍ୟର ପ୍ରଦର୍ଶନରେ ଓଡ଼ିଆ ଅସ୍ମିତାକୁ ଉପସ୍ଥାପନ କରାଯାଇଥିଲା। କାର୍ଯ୍ୟକ୍ରମକୁ ବିଶିଷ୍ଟ ଔପନ୍ୟାସିକ ବିଭୂତି ପଟ୍ଟନାୟକ ଉଦଘାଟନ କରିଥିବା ବେଳେ ଓଡିଆ ଭାଷା ବଞ୍ଚିଲେ ଓଡିଶାର ଅସ୍ମିତା ବଞ୍ଚିବ ବୋଲି ପ୍ରତିକ୍ରିୟା ରଖିଥିଲେ।