ଭୁବନେଶ୍ବର: ଓଡିଶାବାସୀଙ୍କୁ ସୁବ୍ରତ ବାଗ୍ଚୀ ଶୁଣାଇଲେ ରାମଚରିତ୍ର । କହିଲେ, ‘ପ୍ରଭୁ ରାମ ଥିଲେ 14 ବର୍ଷ ବନବାସ । ତେଣୁ ଆପଣ ବି କୋରୋନା ପାଇଁ 14 ଦିନ ରୁହନ୍ତୁ ସଙ୍ଗରୋଧ । କାରଣ ବନବାସରେ ଅର୍ଥ ଦୈନନ୍ଦିନ ସୁଖକୁ ଜଳାଞ୍ଜଳି ଦେଇ ଏକ ସ୍ବାର୍ଥକୁ ସ୍ବାଛନ୍ଦ କରିବା ।’
କୋରୋନା ମୁକାବିଲା: ସୁବ୍ରତ ଶୁଣାଇଲେ ପ୍ରଭୁ ରାମଙ୍କ ବନବାସ କାହାଣୀ
ଏପରିକି ଯଥା ଦେହେ ତଥା ଦେବେ । ମର୍ତ୍ୟରେ ଭଗବାନ ଆବିର୍ଭାବ ହେଲେ ବି ମାନବ ପରି କଷ୍ଟ ସହିବାକୁ ପଡିଥାଏ । ତେଣୁ ଏପରି ଅସମୟରେ ଆପଣମାନେ ବି କୋରୋନା ମୁକାବିଲା କରିବାକୁ ଏଭଳି ନିୟମକୁ ମାନିବାକୁ ପଡିବ ବୋଲି ସେ କହିଛନ୍ତି ।
ଏହାସହ ଦୁର୍ବଳ ପରିସ୍ଥିତିରେ ଡର ଭୟ କରନ୍ତୁ ନାହିଁ । ଭୟକୁ ଯେତିକି ଡରିବା ସେତିକି ଡରେଇବ । ଦମ୍ଭର ସହ ଆଗେଇ ଆସନ୍ତୁ । ଯଦି ନିଜକୁ ସେପରି କିଛି କୋରୋନା ଲକ୍ଷଣ ଥିବା ପରି ଅନୁଭବ ହେଉଛି ତେବେ ନିର୍ଭିକର ସହ ସରକାରଙ୍କୁ ଜଣାନ୍ତୁ ବୋଲି ସେ ଉଲ୍ଲେଖ କରିଛନ୍ତି ।