ଭୁବନେଶ୍ବର: ରାଜ୍ୟରେ କମିବାର ନାଁ ନେଉନି କୋରୋନା ଆକ୍ରାନ୍ତଙ୍କ ମୃତ୍ୟୁ ସଂଖ୍ୟା । ଆଜି(ସୋମବାର) ପୁଣି 17 ଜଣ କୋରୋନା ସଂକ୍ରମିତଙ୍କ ମୃତ୍ୟୁ ହୋଇଛି । ବଲାଙ୍ଗୀରରେ 36 ବର୍ଷିୟ ଯୁବକଙ୍କ ମୃତ୍ୟୁ ହୋଇଥିବା ବେଳେ ବରଗଡରେ 60 ବର୍ଷିୟ ଓ 53 ବର୍ଷିୟ ଦୁଇ ବ୍ୟକ୍ତିଙ୍କ ମୃତ୍ୟୁ ହୋଇଛି ।
ଏହାସହ ଭୁବନେଶ୍ବରେ 84 ବର୍ଷିୟ ବୃଦ୍ଧାଙ୍କ ମୃତ୍ୟୁ ହୋଇଥିବା ବେଳେ 34 ବର୍ଷିୟ ଆଉ ଜଣେ ବ୍ୟକ୍ତିଙ୍କର ମଧ୍ୟ ମୃତ୍ୟୁ ହୋଇଛି । ଏହାସହ ଭୁବନେଶ୍ବରରେ 65 ବର୍ଷିୟ ବୃଦ୍ଧ ଓ 55 ବର୍ଷିୟ ମହିଳାଙ୍କର କୋରୋନାରେ ମୃତ୍ୟୁ ହୋଇଛି । ଅନ୍ୟପକ୍ଷେ ଝାରସୁଗୁଡାରେ 56 ବର୍ଷିୟ ବ୍ୟକ୍ତି, 73 ବର୍ଷିୟ ବୃଦ୍ଧଙ୍କ ମୃତ୍ୟୁ ହୋଇଛି । କେନ୍ଦ୍ରାପଡାରେ 70 ବର୍ଷିୟ ବୃଦ୍ଧ ଓ ସମ୍ବଲପୁରରେ 52 ବର୍ଷିୟ ବ୍ୟକ୍ତି, 72 ବର୍ଷିୟ ବୃଦ୍ଧ, 56 ବର୍ଷିୟ ବ୍ୟକ୍ତିଙ୍କର ମୃତ୍ୟୁ ହୋଇଛି ।