ଭୁବନେଶ୍ବର: ମୋଦି ପାର୍ଟ-2 ମନ୍ତ୍ରୀମଣ୍ଡଳ ସମ୍ପ୍ରସାରଣ ହେବା ପରେ ଓଡିଶାର ମୟୂରଭଞ୍ଜ ଲୋକସଭା ସାଂସଦ ବିଶେଶ୍ୱର ଟୁଡୁଙ୍କୁ ଆଦିବାସୀ ବ୍ୟାପାର ଓ ଜଳ ଶକ୍ତି ବିଭାଗ ଦିଆଯାଇଛି। ତେବେ ଏଭଳି ସମୟରେ ଓଡ଼ିଶାର ଜଣେ ଆଦିବାସୀ ମନ୍ତ୍ରୀ ହେବା ଆନନ୍ଦର କଥା ବୋଲି କଂଗ୍ରେସ କାର୍ଯ୍ୟକାରୀ ସଭାପତି ପ୍ରଦୀପ ମାଝୀ କହିଛନ୍ତି।
ତେବେ ଓଡ଼ିଶାରେ ଏବେ ଅନେକ ଆଦିବାସୀ ଅଛନ୍ତି ଯେଉଁମାନେ ନିଜର ମାନ୍ୟତା ପାଇଁ ଲଢ଼ୁଛନ୍ତି । ଆଦିବାସୀଙ୍କ ସାମୟିକ ଉନ୍ନତି ଉପରେ କେନ୍ଦ୍ରମନ୍ତ୍ରୀ ବିଶେଷ ଧ୍ୟାନ ଦେବେ ବୋଲି ଆଶା କରାଯାଉଛି। ଆଦିବାସୀଙ୍କୁ ଚାଷୀ ଋଣ ଛଡା ଆଉ କିଛି ମିଳୁନାହିଁ। ତେଣୁ, ସେମାନଙ୍କ ବିକାଶ ପାଇଁ ବିଭିନ୍ନ କିସମର ଋଣ ଯୋଗାଇ ଦେବାକୁ ସେ ଦାବି କରିଛନ୍ତି । ଆଦିବାସୀଙ୍କ ସ୍ୱାସ୍ଥ୍ୟ, ଶିକ୍ଷା ଓ ମୌଳିକ ସମସ୍ୟାର ସମାଧାନ ପାଇଁ କେନ୍ଦ୍ରମନ୍ତ୍ରୀ କିଛି ନୂତନ ଖସଡ଼ା ପ୍ରସ୍ତତ କରିବେ ବୋଲି ସେ ଦାବି କରିଛନ୍ତି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ