ନିର୍ବାଚନ ଫଳାଫଳ, ସୁର କହିଲେ ‘ଖେଲା ହୋଇଗେଛେ’

ନିର୍ବାଚନ ଫଳାଫଳକୁ ନେଇ ପ୍ରତିକ୍ରିୟା ରଖିଲେ କଂଗ୍ରେସ ବିଧାୟକ ସୁର ରାଉତରାୟ । ମମତା ବାନାର୍ଜୀଙ୍କ ବିଜୟକୁ ନେଇ ଖେଲା ହୋଇଗେଛେ ବୋଲି ସୁର କହିଛନ୍ତି । ଅଧିକ ପଢନ୍ତୁ...

ଭୁବନେଶ୍ବର: ନିର୍ବାଚନ ଫଳାଫଳକୁ ନେଇ ପ୍ରତିକ୍ରିୟା ରଖିଲେ କଂଗ୍ରେସ ବିଧାୟକ ସୁର ରାଉତରାୟ । ଆଜି (ରବିବାର) ଦେଶର ଚାରୋଟି ରାଜ୍ୟ ଓ ଗୋଟିଏ କେନ୍ଦ୍ରଶାସିତ ଅଞ୍ଚଳର ନିର୍ବାଚନ ଫଳାଫଳ ଗଣତି ଜାରି ରହିଛି ।

ତେବେ ପ୍ରାରମ୍ଭିକ ନିର୍ବାଚନ ଫଳାଫଳକୁ ନେଇ ମୋଦିଙ୍କୁ ଟାର୍ଗେଟ କରିଛନ୍ତି ସୁର । ତିନୋଟି ବଡ ରାଜ୍ୟରେ ବିଜେପି ପରାଜିତ ହୋଇଛି । କେବଳ ଆସାମ ଓ ପୁଡୁଚେରୀରେ ବିଜେପି ବିଜୟ ହୋଇଛି । ଭାରତ ବର୍ଷକୁ ମମତା ନିର୍ବାଚନ ନେଇ ବାଟ ଦେଖେଇଛନ୍ତି । ପ୍ରଧାନମନ୍ତ୍ରୀ ହୋଇ ମମତାଙ୍କୁ ଛିଗୁଲେଇଥିଲେ । ଖେଲା ହୋଇଗେଛେ ବୋଲି ସୁର କହିଛନ୍ତି । ଏହାସହ ନବୀନଙ୍କୁ ସତର୍କ କରାଇଛନ୍ତି ସୁର । ସେହିପରି କଂଗ୍ରେସ ପଶ୍ଚିମବଙ୍ଗ, କେରଳ ଏବଂ ଆସାମରେ ଖରାପ ପ୍ରଦର୍ଶନ କରିଥିବାକୁ ସ୍ବୀକାର କରିଛନ୍ତି ସୁର ।

ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ