‘କଂଗ୍ରେସ କମିଙ୍ଗ, ତାଳମେଳରେ ଚାଲିଛି ଦଳ’

ବିଜେପୁର ଉପ-ନିର୍ବାଚନରେ ବିଜୟ ପାଇଁ ସବୁ ଦଳର ପ୍ରସ୍ତୁତି ଯୋରଦାର । ବାଜିରେ ଲାଗିଛି ପତିଆରା । ସୁରଙ୍କ ଦୃଢୋକ୍ତି ବିଜେପୁରରେ ଜିତିବ କଂଗ୍ରେସ ।

ଭୁବନେଶ୍ବର: ରାଜ୍ୟରେ ଏବେ ନିର୍ବାଚନ ଉଷ୍ମତା । ବିଜେପୁର ଉପ-ନିର୍ବାଚନକୁ ନେଇ ସବୁ ଦଳ ରଣନୀତି ପ୍ରସ୍ତୁତିରେ । କେମିତି ବିଜେପୁରରେ ଉଡାଇବେ ବିଜୟ ବାନା ତେବେ ଆଜି ବିଜେପୁର ପ୍ରସଙ୍ଗରେ ବରିଷ୍ଠ କଂଗ୍ରେସ ନେତା ସୁର ରାଉତ ମତ ରଖି କହିଛନ୍ତି କଂଗ୍ରେସର ଏବେ ଠିକ ତାଳମେଳ ଅଛି ।

ତାଙ୍କର ଚିରାଚରିତ ପ୍ରତିକ୍ରିୟା ଦେଇ କହିଛନ୍ତି ଯୁବକ ମାନେ ରେଡ୍ଡି । କଂଗ୍ରେସ କମିଙ୍ଗ । ରାଜ୍ୟରେ ଆଉ ନବୀନ ଶାସନ ଚଳିବ ନାହିଁ । ବିଜେପୁରରେ କଂଗ୍ରେସର ବିଜୟ ସୁନିଶ୍ଚିତ । କଂଗ୍ରେସର ସମସ୍ତ ନେତା ଏକତ୍ରିତ ହୋଇ ଲଢିବେ ।

ତେବେ ସୁର ରାଉତଙ୍କ ଏହି ଦମ୍ଭରେ କେତେ ଦମ ଅଛି ତାହା ବିଜେପୁର ଉପ-ନିର୍ବାଚନ ଫଳ ଘୋଷଣା ପରେ ସ୍ପଷ୍ଟ ହେବ ।

ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ