ଭୁବନେଶ୍ବର: ରାଜ୍ୟରେ ସାଧାରଣ ନିର୍ବାଚନ ହେଉ କି ଉପନିର୍ବାଚନ ସବୁଥିରେ କଂଗ୍ରେସ ଫେଲ ମାରିଛି । ତେବେ ଆଗାମୀ ଦିନରେ ଦଳକୁ ସୁଦୃଢ କରିବା ପାଇଁ କଂଗ୍ରେସ ମୁଖିଆମାନଙ୍କ ଭିତରେ ଏକ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଠିତ ହୋଇଛି । ଏହି ଅବସରରେ ଜିଲ୍ଲାସ୍ତରୀୟ କମିଟିକୁ ପୁର୍ନଗଠନ କରାଯିବ ବୋଲି ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର ପ୍ରକାଶ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ନୂତନ ଭାବରେ ଜିଲ୍ଲା କମିଟି, ବ୍ଲକ ସ୍ତରରେ ପିସିସି କମିଟି ଗଠନ କରାଯିବ । ଏହା ସହିତ ଜିଲ୍ଲା ସଭାପତିଙ୍କୁ ନିଯୁକ୍ତି ଦିଆଯିବ । ଆସନ୍ତା ନଭେମ୍ବର ମାସ ୭ ତାରିଖ ସୁଦ୍ଧା ଏ ସଂକ୍ରାନ୍ତୀୟ ରିପୋର୍ଟ ପ୍ରଦାନ କରିବାକୁ କୁହାଯାଇଛି । ଜିଲ୍ଲା ଓ ବ୍ଲକ ସ୍ତରରେ କିଏ କେଉଁ ଭଳି ଲୋକମାନଙ୍କ ସହ ସହଯୋଗ ରଖୁଛି ସେନେଇ ମଧ୍ୟ ନଜର ରଖିବେ କଂଗ୍ରେସ ସଭାପତି । କାମ ଆଧାରରେ ସ୍ଥାନୀୟ ନେତା ମାନଙ୍କୁ ନୂତନ କମିଟିରେ ସାମିଲ କରାଯିବ ବୋଲି ନରସିଂହ ମିଶ୍ର ପ୍ରକାଶ କରିଛନ୍ତି ।