ଭୁବନେଶ୍ବର: ଆଗକୁ ଆସୁଛି ପଞ୍ଚାୟତ ନିର୍ବାଚନ । ନିର୍ବାଚନରେ ସଂରକ୍ଷଣ ବ୍ୟବସ୍ଥାକୁ ନେଇ ତାତିଲା କଂଗ୍ରେସ । ରାଜ୍ୟ ସରକାରଙ୍କ ସଂରକ୍ଷଣ ବ୍ୟବସ୍ଥା ଶାସକ ଦଳକୁ ସୁହାଇଲା ଭଳି ହୋଇଛି । ଅନେକ ପଞ୍ଚାୟତରେ ଓବିସି ବର୍ଗ ପାଇଁ ବ୍ୟବସ୍ଥା ନାହିଁ । ଏସସି/ଏସଟିଙ୍କ ପାଇଁ ମଧ୍ୟ ଟାଳଟୁଳା ନୀତି ଅବଲମ୍ବନ କରିଛନ୍ତି ସରକାର । ଆଜି(ଶୁକ୍ରବାର) କଂଗ୍ରେସ ଭବନରେ ଏକ ସାମ୍ବାଦିକ ସମ୍ମିଳନୀରେ ଏଭଳି ଅଭିଯୋଗ ଆଣିଛି କଂଗ୍ରେସ ।
'ଦଳକୁ ସୁହାଇଲା ଭଳି ସଂରକ୍ଷଣ ବ୍ୟବସ୍ଥା କରିଛନ୍ତି ରାଜ୍ୟ ସରକାର'
କଂଗ୍ରେସ ମୁଖାପାତ୍ର ସୁଦର୍ଶନ ଦାଶ କହିଛନ୍ତି, ବିଜେଡି ସରକାର ପଞ୍ଚାୟତରାଜ ବ୍ୟବସ୍ଥାକୁ ମାଟିରେ ମିଶାଇ ଦେଇଛନ୍ତି । ଚାରିଆଡେ ବାବୁରାଜ୍ ଚାଲିଛି । ପଞ୍ଚାୟତିରାଜ ବ୍ୟବସ୍ଥାରେ ସରପଞ୍ଚଙ୍କ ସବୁ ନିଷ୍ପତ୍ତି ନେବାର କ୍ଷମତା ଥିଲେ ସୁଦ୍ଧା ନବୀନ ସରକାର ତାଙ୍କ ହାତରୁ କ୍ଷମତା କାଢି ନେଇଛନ୍ତି । ବିଡ଼ିଓଙ୍କ ବିନା ଅନୁମତିରେ ସେମାନେ କିଛି ପାରୁନାହାନ୍ତି ।