ଭୁବନେଶ୍ବର: ନିଆରା ଢଙ୍ଗରେ ନୂଆବର୍ଷ ପାଳନ। ଡ୍ୟୁଟିରେ ଥାଇ ବି ନୂଆବର୍ଷକୁ ସ୍ବାଗତ କରିଛନ୍ତି କମିଶନରେଟ ପୋଲିସ । କାରଣ ତଳ କର୍ମଚାରୀଙ୍କ ଠୁ ଆରମ୍ଭ କରି ଉପରିସ୍ଥ କର୍ମଚାରୀଙ୍କ ପାଖରେ ପହଞ୍ଚିଥିଲେ ପୋଲିସ କମିଶନର । କାଲୁଆ ଶୀତରେ ଅନ୍ଧକାର ରାତିରେ ଡ୍ୟୁଟି କରୁଥିବା କର୍ମଚାରୀଙ୍କ ପାଖରେ ପହଞ୍ଚିଥିଲେ କମିଶନର ସୁଧାଂଶୁ ଷଡଙ୍ଗୀ।
ହୋଟେଲ ବାହାରେ, ଟ୍ରାଫିକ ଛକରେ, ରାସ୍ତା କଡରେ ସହରବାସୀଙ୍କୁ ସୁରକ୍ଷା ଦେଉଥିବା କମିଶନରେଟ ପୋଲିସଙ୍କୁ ଉତ୍ସାହିତ ପାଇଁ ପ୍ରୟାସ ଆରମ୍ଭ କରିଥିଲେ ସିପି । ହାତକୁ ଚା’ କପ ବଢେଇ ଡ୍ୟୁଟିରେ ଥିବା ପୋଲିସ କର୍ମଚାରୀଙ୍କ ସହ ନୂଆବର୍ଷକୁ ସ୍ବାଗତ କରିଥିଲେ କମିଶନରେଟ ପୋଲିସ।