ଭୁବନେଶ୍ବର: ରାତି ପାହିଲେ ରଙ୍ଗର ପର୍ବ ହୋଲି । ରଙ୍ଗ ଖେଳରେ ମାତିବେ ପିଲା ଠାରୁ ବୁଢା । ସେଥିପାଇଁ ଉତ୍ସବମୁଖର ଗାଁ ଠାରୁ ସହର । ତେବେ ହୋଲିରେ ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ଟ୍ବିନ୍ ସିଟି ପାଇଁ ଆଡଭାଇଜରି ଜାରି କରିଛି କମିଶନରେଟ୍ ପୋଲିସ । ଜନସାଧାରଣଙ୍କୁ ଶାନ୍ତିଶୃଙ୍ଖଳା ସହ ହୋଲି ପର୍ବକୁ ପାଳନ କରିବାକୁ ପରାମର୍ଶ ଦେଇଛନ୍ତି କମିଶନରେଟ ପୋଲିସ ।
ହୋଲି ପର୍ବକୁ ନେଇ ସାରା ସହର ଉତ୍ସବମୁଖର ହୋଇ ଉଠିଥିବାବେଳେ ଏଥିପାଇଁ କମିଶନରେଟ ପୋଲିସ ସୁରକ୍ଷା ବ୍ୟବସ୍ଥା ଗ୍ରହଣ କରିଛି। ହୋଲି ଅବସରରେ ଭୁବନେଶ୍ବରରେ 15ପ୍ଲାଟୁନ ପୋଲିସ ଫୋର୍ସ ମୁତୟନ କରାଯିବ । ଏଥିସହ ଟ୍ବିନ୍ ସିଟିରେ 16 ସ୍ପେଶାଲ ମୋବାଇଲ, 18 ଆର୍ମ ପିକେଟିଂ ଗ୍ରୁପ୍ ବ୍ୟବସ୍ଥା ସହ 5 ଷ୍ଟ୍ରାଇକିଂ ଫୋର୍ସ ଓ ଓଡ୍ରାଫ୍ ଟିମ୍ ମଧ୍ୟ ପ୍ରସ୍ତୁତ ରହିବେ ।