ଭୁବନେଶ୍ବର: କମିଶନରେଟ ପୋଲିସକୁ ସଫଳତା । ରାଜଧାନୀରୁ ଧରାପଡିଲେ ଗ୍ରୀଲ ତଡ଼ା ନିଶା ଦିଆ ଗ୍ୟାଙ୍ଗ । ଏହି ଗ୍ରିଲ ତଡ଼ା ନିଶା ଦିଆ ଗ୍ୟାଙ୍ଗର ୩ଜଣଙ୍କୁ ଗିରଫ କରିଛି କମିଶନରେଟ ପୋଲିସ । ପୂର୍ବରୁ ତିନିଜଣଙ୍କୁ ଗିରଫ କରିଥିବା କମିଶନରେଟ ପୋଲିସ । ଗିରଫ ଅଭିଯୁକ୍ତମାନେ ହେଲେ ବିଜୟ ସାହୁ, ଦୁଖିଶ୍ୟାମ ନାୟକ, ସାୟଦ ଫୟାଜ ।
ଅଭିଯୋଗ ଅନୁସାରେ, ପ୍ରଥମେ ଗ୍ରୀଲ ଏବଂ କବାଟ ତାଡି ଘରେ ପଶୁଥିଲେ । ପରେ ନିଶା ଦେଇ ଘରେ କଳାକନା ବୁଲାଉଥିଲେ । ସହରର ବିଭିନ୍ନ ଥାନା ଅଞ୍ଚଳରେ ଚୋରି କରିବା ପରେ ଅନ୍ୟ ଏକ ଜିଲ୍ଲାକୁ ଚାଲିଯାଉଥିଲେ । ଚନ୍ଦକା ଜଙ୍ଗଲରେ ଲୁଚି ଅପରେସନ କରୁଥିଲା ଏହି ଗ୍ୟାଙ୍ଗ । ଚନ୍ଦକା ଅଞ୍ଚଳରେ ଜଣେ ବୃଦ୍ଧା ଦମ୍ପତିଙ୍କ ଘରୁ ବିପୁଳ ପରିମାଣର ଟଙ୍କା ଓ ଗହଣା ଚୋରି ପରେ ଏହି ଗ୍ୟାଙ୍ଗକୁ ଟ୍ରାକ କରୁଥିଲା ପୋଲିସ । ଶେଷରେ ତିନି ଜଣଙ୍କୁ ଗିରଫ କରିଛି କମିଶନରେଟ ପୋଲିସର ସ୍ପେଶାଲ ସ୍କ୍ବାର୍ଡ । ସେମାନଙ୍କ ଠାରୁ ସାଢେ ୭ଲକ୍ଷ ଟଙ୍କାର ସୁନା ଗହଣା ସହ ୫ଲକ୍ଷ ଟଙ୍କା ଜବତ କରାଯାଇଛି । ଏହି ଅଭିଯୁକ୍ତମାନେ ବାଲିଅନ୍ତା, ବାଲିପାଟଣା, ଲିଙ୍ଗରାଜ, ସହିଦନଗର, ମଞ୍ଚେଶ୍ବର, ଚନ୍ଦକା ଆଦି ଅଞ୍ଚଳରେ ଲୁଟପାଟ କରୁଥିବା ନେଇ ସୂଚନା ଦେଇଛି ପୋଲିସ ।