ଭୁବନେଶ୍ବର: କମିଶନରେଟ୍ ପୋଲିସକୁ ବଡ ସଫଳତା । କମିଶନରେଟ ପୋଲିସ ହାତରେ ଲାଗିଛନ୍ତି 4 ଆନ୍ତଃରାଜ୍ୟ ଲୁଟେରା । ସେମାନଙ୍କ ଠାରୁ 3ଟି କାର, 2ଟି ବାଇକ ଓ 2ଟି ବନ୍ଧୁକ ଜବତ କରିଛି ପୋଲିସ । ଏମାନେ ବ୍ୟବସାୟୀ ଶିବ ସୁନ୍ଦର ଦାସଙ୍କ କାର ଲୁଟ୍ ଘଟଣାରେ ସମ୍ପୃକ୍ତ ଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଏହି ଲୁଟେରା ମାନେ ଦୀର୍ଘ ଦିନରୁ ରାଜ୍ୟରେ ଚାଞ୍ଚଲ୍ୟ ସୃଷ୍ଟି କରିଥିଲେ । ରାଜଧାନୀ ଠାରୁ ଆରମ୍ଭ କରି କଟକ ଓ ଆଠଗଡ ଅଞ୍ଚଳରୁ କାର ଲୁଟ୍ କରୁଥିଲେ । ଲକ୍ଷ ଲକ୍ଷ ଟଙ୍କା ମୂଲ୍ୟର କାର୍ ଗୁଡିକୁ 30 ହଜାର ଟଙ୍କାରେ ବିକ୍ରି କରୁଥିଲେ । ତେବେ ଏହି ଗ୍ୟାଙ୍ଗର ଅନ୍ୟ ସଦସ୍ୟ ମାନଙ୍କୁ ଖୁବଶୀଘ୍ର ଗିରଫ କରାଯିବ ବୋଲି କମିଶନର ସତ୍ୟଜିତ ମହାନ୍ତି କହିଛନ୍ତି । ଗିରଫ ଲୁଟେରା ମାନେ ହେଲେ ପଦ୍ମ ଲୋଚନ ନାୟକ, କଳ୍ପତରୁ ଜେନା ଓରଫ ବାପି, ମୁନ ବାରିକ, ସନ୍ତୋଷ କୁମାର ସାହୁ ।