ଭୁବନେଶ୍ବର: ସମ୍ଭାବ୍ୟ ତୃତୀୟ ଲହର ପାଇଁ ପ୍ରସ୍ତୁତ ଆରମ୍ଭ କରି ଦେଇଛନ୍ତି ଭୁବନେଶ୍ବର ପୋଲିସ । ସାମାଜିକ ଦୂରତା ନିୟମ ଉଲଙ୍ଘନ କରିବା ଫଳରେ କୋରୋନା ସଂକ୍ରମଣ ବୃଦ୍ଧି ପାଉଛି । ତେଣୁ ଲୋକଙ୍କ ଗହଳି ଉପରେ ଅଧିକ ଧ୍ୟାନ ଦେବ ପୋଲିସ । ଅମାନିଆଙ୍କୁ ସାବାଡ଼ କରିବା ପାଇଁ ରାଜଧାନୀର ବିଭିନ୍ନ ସ୍ଥାନରେ PCR ଭ୍ୟାନ ନିୟୋଜିତ ରହିବ ବୋଲି ବ୍ୟବସ୍ଥା କରାଯାଇଛି ।
ସମ୍ଭାବ୍ୟ ତୃତୀୟ ଲହର ପାଇଁ କମିଶନରେଟ ପୋଲିସର ପ୍ରସ୍ତୁତି, ଛକ ଛକରେ ଜଗିବ PCR
ଆଗକୁ ମହାମାରୀ କୋରୋନାର ତୃତୀୟ ଲହର ଆସୁଛି । ଏହାକୁ ଦୃଷ୍ଟିରେ ରଖି ପୋଲିସ କମିଶନରଙ୍କ ଅଧ୍ୟକ୍ଷତାରେ ଏକ ଗୁରୁତ୍ୱପୂର୍ଣ୍ଣ ବୈଠକ ଭୁବନେଶ୍ୱରର କ୍ୟାପିଟାଲ ଥାନାରେ ଅନୁଷ୍ଠିତ ହୋଇଯାଇଛି । ଆଡିସନାଲ ଡିସିପି, ସମସ୍ତ ଜୋନ ଏସିପି, ବିଭିନ୍ନ ଥାନାର ଆଇଆଇସି ଯୋଗ ଦେଇଥିଲେ । ଏହି ବୈଠକ ପରେ ବହୁ ସଂଖ୍ୟାରେ ପିସିଆର ଭ୍ୟାନ ଭୁବନେଶ୍ୱରର ବିଭିନ୍ନ ସ୍ଥାନରେ ପାଟ୍ରୋଲିଂ କରିଥିଲେ ।