ଭୁବନେଶ୍ବର: ଓଡ଼ିଶା ରାଜ୍ୟ ସମବାୟ ବ୍ୟାଙ୍କରେ ବିପୁଳ ଆର୍ଥିକ ହେରଫେର ପ୍ରସଙ୍ଗରେ ତତ୍କାଳୀନ ମ୍ୟାନେଜମେଣ୍ଟ ଇନଚାର୍ଜ ବିଷ୍ଣୁପଦ ସେଠୀଙ୍କୁ ରିପୋର୍ଟ ମାଗିଛି ଲୋକାୟୁକ୍ତ । ତାଙ୍କ ବିରୋଧରେ ବ୍ୟାପକ ଦୁର୍ନୀତି ଅଭିଯୋଗ ନେଇ ଲୋକାୟୁକ୍ତରେ ଫେରାଦ ହୋଇଥିଲା ସୂଚନା ଅଧିକାର ଅଭିଯାନ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ନାବାର୍ଡ ତଥ୍ୟ ଆଧାରରେ ପାଖାପାଖି ୬୦୦ କୋଟି ଟଙ୍କାରୁ ଉର୍ଦ୍ଧ୍ବ ଆର୍ଥିକ ଅନିୟମିତତାରେ ବିଷ୍ଣୁପଦ ସେଠୀଙ୍କ ସମ୍ପୃକ୍ତ ଥିବା ନେଇ ସୂଚନା ଅଧିକାର ଅଭିଯାନର ସଂଯୋଜକ ପ୍ରଦୀପ ପ୍ରଧାନ ଅଭିଯୋଗ କରିଛନ୍ତି । ବିନା ଟେଣ୍ଡରରେ କମ୍ପ୍ୟୁଟର କିଣା, ହାଇଦ୍ରାବାଦର ଭିସଫ୍ଟ କମ୍ପାନୀକୁ ଟେଣ୍ଡର ଦେବା ଭଳି ଘଟଣାରେ ତାଙ୍କର ସମ୍ପୃକ୍ତି ରହିଛି ।