ମୁଖ୍ୟମନ୍ତ୍ରୀଙ୍କ ଫୋକସରେ ପର୍ଯ୍ୟଟନସ୍ଥଳୀର ବିକାଶ

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଫୋକସରେ ପର୍ଯ୍ୟଟନସ୍ଥଳୀର ବିକାଶ । ମନ୍ଦିର ପରେ ଏବେ ଅଭୟାରଣ୍ୟ ଚିନ୍ତା । ରାଜ୍ୟର ପ୍ରମୁଖ ମନ୍ଦିରର ସର୍ବାଙ୍ଗୀନ ବିକାଶ ପାଇଁ ସ୍ପେଶାଲ ପ୍ୟାକେଜ୍ ଘୋଷଣା ପରେ, ଅଭୟାରଣ୍ୟର ସୌନ୍ଦର୍ଯ୍ୟ ବୃଦ୍ଧି ପାଇଁ ରୋଡ ମ୍ୟାପ୍ ପ୍ରସ୍ତୁତ ।

ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଫୋକସରେ ପର୍ଯ୍ୟଟନସ୍ଥଳୀର ବିକାଶ । ମନ୍ଦିର ପରେ ଏବେ ଅଭୟାରଣ୍ୟ ଚିନ୍ତା । ରାଜ୍ୟର ପ୍ରମୁଖ ମନ୍ଦିରର ସର୍ବାଙ୍ଗୀନ ବିକାଶ ପାଇଁ ସ୍ପେଶାଲ ପ୍ୟାକେଜ୍ ଘୋଷଣା ପରେ, ଅଭୟାରଣ୍ୟର ସୌନ୍ଦର୍ଯ୍ୟ ବୃଦ୍ଧି ପାଇଁ ରୋଡ ମ୍ୟାପ୍ ପ୍ରସ୍ତୁତ । 5ଟି ସଚିବ ଭିକେ ପାଣ୍ଡିୟାନଙ୍କ ଅଚାନକ ଭିତରକନିକା ଗସ୍ତ ଏହାର ସମ୍ୟକ ସୂଚନା ଦେଉଛି । ଭିତରକନିକାରେ କୁମ୍ଭୀରଙ୍କ ସମ୍ଭାର ପର୍ଯ୍ୟଟକଙ୍କୁ ଆକୃଷ୍ଟ କରିଥାଏ । ଭିତରକନିକା ମହୋତ୍ସବ ମାଧ୍ୟମରେ ପର୍ଯ୍ୟଟନସ୍ଥଳୀର ସୌନ୍ଦର୍ଯ୍ୟ ବୃଦ୍ଧି ସହିତ ପର୍ଯ୍ୟଟକଙ୍କୁ ସମସ୍ତ ସୁବିଧା ଦେବା ପାଇଁ ଭିତ୍ତିଭୂମି ବିକାଶକୁ ଗୁରୁତ୍ବ ଦେଇଛନ୍ତି ପାଣ୍ଡିଆନ।

ପ୍ରଥମେ ଶ୍ରୀମନ୍ଦିର, ପରେ ଲିଙ୍ଗରାଜ ମନ୍ଦିର, ସମଲେଶ୍ବରୀ ମନ୍ଦିର, ତାରାତାରେଣୀ ମନ୍ଦିର ପାଇଁ ରାଜ୍ୟସରକାର ବଡ ବଡ ପ୍ୟାକେଜ ଘୋଷଣା କରିଛନ୍ତି । ଏହିସବୁ ମନ୍ଦିରରେ ଉନ୍ନତିକରଣ ସହ ଏହାର ଚତୁଃପାର୍ଶ୍ବର ବିକାଶ ପାଇଁ ବ୍ଲୁ-ପ୍ରିଣ୍ଟ ତୟାର । ଏସବୁ ସ୍ଥାନ ଭିତରୁ ସମଲେଶ୍ବରୀ ମନ୍ଦିର ଓ ତାରାତାରେଣୀ ମନ୍ଦିରକୁ ପ୍ରଥମେ 5ଟି ସଚିବଙ୍କ ଗସ୍ତ ପରେ ପ୍ୟାକେଜ ଘୋଷଣା ହୋଇଥିବାରୁ ଭିତରକନିକା ପାଇଁ ବି ସରକାର ନିକଟରେ କିଛି ପ୍ୟାକେଜ ଘୋଷଣା କରିପାରନ୍ତି ବୋଲି ଚର୍ଚ୍ଚା ହେଉଛି ।

ମୁଖ୍ୟମନ୍ତ୍ରୀଙ୍କ ଫୋକସରେ ପର୍ଯ୍ୟଟନସ୍ଥଳୀ ବିକାଶ

ମୁଖ୍ୟମନ୍ତ୍ରୀଙ୍କ ଫୋକସରେ ପର୍ଯ୍ୟଟନସ୍ଥଳୀ ବିକାଶ

ବ୍ୟୁରୋ ରିପୋର୍ଟ, ଇଟିଭି ଭାରତ