ପୁରୀ:ଚଳିତ ବର୍ଷ ରଥଯାତ୍ରାରେ ବିରଳ ରେକର୍ଡ ବନାଇଛନ୍ତି ଗଜପତି ମହାରାଜା । ଏ ବର୍ଷକୁ ମିଶାଇ ଗଜପତି ଛେରା ପହଁରା ନୀତି କରିବାରେ 50 ବର୍ଷ ପୂରଣ କରିଛନ୍ତି । ଯାହାପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଜପତି ଦିବ୍ୟସିଂହ ଦେବଙ୍କୁ ଶୁଭେଚ୍ଛା ଜଣାଇଛନ୍ତି ।
'ଶ୍ରୀ ଜଗନ୍ନାଥ ସଂସ୍କୃତିରେ ମହାପ୍ରଭୁଙ୍କ ଛେରା ପହଁରା ନୀତି ସେବା ଓ ସମର୍ପଣର ସର୍ବୋତ୍ତମ ନିଦର୍ଶନ । ଶ୍ରୀଜୀଉଙ୍କ ଆଦ୍ୟ ସେବକ ଭାବେ ଦୀର୍ଘ ୫୦ ବର୍ଷ ଧରି ଗଜପତି ମହାରାଜା ଏହି ସେବା କରିବା ଏକ ଦିବ୍ୟ ଅନୁଭବ । ଏହି ଶୁଭ ଅବସରରେ ତାଙ୍କୁ ମୋର ଶୁଭେଚ୍ଛା ବୋଲି' ଟ୍ବିଟ୍ କରିଛନ୍ତି ମୁଖ୍ୟମନ୍ତ୍ରୀ । ଏଥିସହ ମହାପ୍ରଭୁଙ୍କ ସେବାରେ ତାଙ୍କ ଜୀବନ ଆନନ୍ଦମୟ ହେଉ ବୋଲି ପ୍ରାର୍ଥନା କରିଛନ୍ତି ।