ଭୁବନେଶ୍ବର: ପିଲାଙ୍କୁ ହ୍ବାଟ୍ସଆପ ଗ୍ରୁପ ମାଧ୍ୟମରେ ପାଠପଢାଯିବା ନେଇ ସୂଚନା ଦେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ଦାସ। କୋରୋନା କାରଣରୁ ସାରା ଦେଶରେ ଶିକ୍ଷାନୁଷ୍ଠାନ ସବୁ ବନ୍ଦ ରହିଛି । ଯାହା ଫଳରେ ପିଲାମାନଙ୍କ ପାଠପଢ଼ା ବ୍ୟାହତ ହୋଇଛି । ତେବେ ଅନଲାଇନରେ ପାଠ ପଢାଯିବାର ସୁବିଧା ଅନେକ ସ୍ଥାନରେ ଉପଲବ୍ଧ କରାଯାଇଥିବା ବେଳେ ଓଡ଼ିଶାରେ ମଧ୍ୟ ଏବେ ହ୍ବାଟ୍ସଆପ ମାଧ୍ୟମରେ ପିଲାଙ୍କୁ ପାଠ ପଢ଼ାଯିବା ନେଇ ନିଷ୍ପତ୍ତି ହୋଇଛି । ପ୍ରଥମେ ଖୋର୍ଦ୍ଧା ଜିଲ୍ଲାରେ ଏହି ବ୍ୟବସ୍ଥା ଆରମ୍ଭ ହୋଇଛି।
ଛାତ୍ରଛାତ୍ରୀ ଦେଇଥିବା ଆଧାରକାର୍ଡ ଅନୁସାରେ ଯେଉଁମାନଙ୍କର ଆଣ୍ଡ୍ରଏଡ଼ ମୋବାଇଲ ଅଛି ସେମାନଙ୍କୁ ପ୍ରାଥମିକ ଭାବେ ଏହି ହ୍ବାଟ୍ସଆପ ଗ୍ରୁପରେ ସଂଯୋଗ କରାଯାଇଛି । ଏହି ଗ୍ରୁପ ମାଧ୍ୟମରେ ପାଠ ପଢ଼ାଯିବ। ସମସ୍ତ ଜିଲ୍ଲାରେ ଏହି ବ୍ୟବସ୍ଥା ଲାଗୁ କରିବା ପାଇଁ ନିର୍ଦ୍ଦେଶ ଦିଆଯାଇଛି । ଦ୍ଵିତୀୟ ଶ୍ରେଣୀରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପାଠ୍ୟପୁସ୍ତକ ଏବେ ଘରେ ଘରେ ବଣ୍ଟନ କାର୍ଯ୍ୟ ଆରମ୍ଭ କରାଯାଇଛି ।
ଭୁବନେଶ୍ବରୁ ଜ୍ଞାନଦର୍ଶୀ ସାହୁ, ଇଟଭି ଭାରତ