ଭୁବନେଶ୍ବର: ରାତି ଅଧରେ ଧାରଣାରେ ବସି ପ୍ରତିବାଦ ଜଣାଇଲେ ନାଗରିକ ମଞ୍ଚ । ରାଜ୍ୟରେ ସିଏଏ, ଏନଆରସି, ଏନପିଆର ଭଳି ନିୟମକୁ ଅନେକ ସଂଗଠନ ନିନ୍ଦା କରୁଥିବାବେଳେ ପୁଣି ରାଜଧାନୀରେ ଏହାର ପ୍ରତିବାଦ ଦେଖିବାକୁ ମିଳିଛି ।
ସିଏଏ, ଏନଆରସି ପ୍ରତ୍ୟାହାର ଦାବିରେ ଧାରଣା ଦେଇଛି ନାଗରିକ ମଞ୍ଚ
ରାଜଧାନୀର ଗାନ୍ଧୀ ମାର୍ଗରେ ନାଗରିକ ମଞ୍ଚ ସିଏଏ, ଏନଆରସି ବିରୋଧ କରି ଧାରଣାରେ ବସିଛି । ଭାରତର ସମ୍ବିଧାନକୁ ଭଙ୍ଗ କରାଯାଉଛି । ଭାରତ ଏକ ଧର୍ମ ନିରପେକ୍ଷ ରାଷ୍ଟ୍ର । ଜାତି ଧର୍ମ,ବର୍ଣ୍ଣ ନିର୍ବିଶେଷରେ ଲୋକଙ୍କ ମଧ୍ୟରେ ଆମେ ସମସ୍ତେ କେବଳ ଭାରତୀୟ ବୋଲି ମଞ୍ଚ କହିଛି । ଦେଶରେ କେନ୍ଦ୍ର ସରକାର ନୂତନ ଭାବେ ନାଗରିକ ସଂଶୋଧନ ଆଇନ, ଜାତୀୟ ନାଗରିକ ପଞ୍ଜିକରଣ, ଜାତୀୟ ଜନସଂଖ୍ୟା ପଞ୍ଜିକା ଆଇନ ପ୍ରଣୟନ କରି ଲୋକଙ୍କ ମଧ୍ୟ ଭେଦଭାବ ସୃଷ୍ଟି କରୁଛନ୍ତି ବୋଲି ନାଗରିକ ମଞ୍ଚ ପ୍ରତିବାଦ କରିଛି ।