ଭୁବନେଶ୍ବର: ରାଜ୍ୟ ସ୍ବାସ୍ଥ୍ୟ ସେବା କ୍ଷେତ୍ରରେ ଆଜି ଏକ ଐତିହାସିକ ଦିନ । କ୍ୟାନ୍ସର ହସ୍ପିଟାଲ ଓ କରୁଣାଶ୍ରୟ ପାଲିଏଟିଭ୍ କେୟାର ସେଣ୍ଟର ନିର୍ମାଣ ଲାଗି ସୋମବାର ଭିତ୍ତିପ୍ରସ୍ତର ସ୍ଥାପନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆସନ୍ତା 2024 ସୁଦ୍ଧା ରାଜ୍ୟବାସୀ ଏଥିରୁ ସୁବିଧା ପାଇବେ ବୋଲି ଆଶା ରଖିଛନ୍ତି ମୁଖ୍ୟମନ୍ତ୍ରୀ । ଇନଫୋସିସ 2ରେ ଏହି ଦୁଇଟି କେନ୍ଦ୍ର ପ୍ରତିଷ୍ଠା ହେବ । ରାଜ୍ୟ ସରକାର ଏନେଇ ବିନା ମୂଲ୍ୟରେ ଯାଗା ଯୋଗାଇ ଦେଇଛନ୍ତି । ଏନେଇ ଏପ୍ରିଲ ମାସରେ ରାଜ୍ୟ ସରକାର ଏବଂ ଶଙ୍କର କ୍ୟାନସର ଇନ୍ଷ୍ଟିଚ୍ୟୁଟ କରୁଣାଶ୍ରୟ ପାଲିଏଟିଭ୍ କେୟାର ସେଣ୍ଟର ଏବଂ ସୁସ୍ମିତା ବାଗଚୀ ଫାଉଣ୍ଡେସନ ମଧ୍ୟରେ ଦୁଇଟି ବୁଝାମଣା ପତ୍ର ସ୍ଵାକ୍ଷର ହୋଇଥିଲା ।
ରାଜ୍ୟରେ ବଢ଼ୁଥିବା କ୍ୟାନ୍ସର ଚିକିତ୍ସା ଲାଗି ଆବଶ୍ୟକ ଥିଲା ଏକ ଅତ୍ୟାଧୁନିକ ହସ୍ପିଟାଲ । ଯେଉଁଠାରେ କ୍ୟାନ୍ସର ପରି ବ୍ୟୟବହୁଳ ଚିକିତ୍ସା ସ୍ବଳ୍ପ ଟଙ୍କାରେ ଉପଲବ୍ଧ ହୋଇପାରିବ । ଆମ ରାଜ୍ୟର ସ୍ବାସ୍ଥ୍ୟସେବା ବିକାଶରେ ଏକ ଐତିହାସିକ ମୁହୂର୍ତ୍ତ ବୋଲି ମୁଖ୍ୟମନ୍ତ୍ରୀ ବର୍ଣ୍ଣନା କରିଛନ୍ତି । 2014 ସୁଦ୍ଧା ଏହି ହସ୍ପିଟାଲ କାର୍ଯ୍ୟକ୍ଷମ ହେବ । ପ୍ରାଥମିକ ପର୍ଯ୍ୟାୟରେ 250 ଶଯ୍ୟାରେ ରୋଗୀଙ୍କୁ ଚିକିତ୍ସା ସେବା ମିଳିବ । ପରେ ଏହା 5ଶହ ଶଯ୍ୟାକୁ ସମ୍ପ୍ରସାରିତ କରାଯିବ ।