ଭୁବନେଶ୍ବର: ରାଜ୍ୟରେ ଉଚ୍ଚ ଓ ମଧ୍ୟମ ଧରଣର ବନ୍ୟା (flood in Odisha) ସ୍ଥିତି ରହିଛି । ବନ୍ୟା ନିୟନ୍ତ୍ରଣ ପାଇଁ ପ୍ରଶାସନ ଅନେକ ପଦକ୍ଷେପ ନେଉଛି । ତେବେ କେଉଁଠି ନା କେଉଁଠି ରାଜ୍ୟରେ ଏହି ବନ୍ୟାସ୍ଥିତି ପାଇଁ ପଡ଼ୋଶୀ ରାଜ୍ୟ ଛତିଶଗଡ଼ ଦାୟୀ । ବନ୍ୟା ନିୟନ୍ତଣ ପାଇଁ ଓଡ଼ିଶାକୁ ଛତିଶଗଡ଼ ସହଯୋଗ କରୁନଥିବା କଥା କହିଛନ୍ତି ସ୍ବତନ୍ତ୍ର ରିଲିଫ କମିଶନର ।
ଓଡ଼ିଶାକୁ ସହଯୋଗ କରୁନି ଛତିଶଗଡ଼, ବସୁନି ବନ୍ୟା ନିୟନ୍ତ୍ରଣ ବୈଠକ
ସ୍ବତନ୍ତ୍ର ରିଲିଫ କମିଶନର ପ୍ରଦୀପ ଜେନା କହିଛନ୍ତି, "ଜଳ ପରିଚାଳନା ନେଇ ଛତିଶଗଡ଼ ଓ ଓଡ଼ିଶା ମଧ୍ୟରେ ବୈଠକ ହେଉନି । 2 ବର୍ଷ ହେଲା ବସିନି ବନ୍ୟା ନିୟନ୍ତ୍ରଣ ବୈଠକ । ବୈଠକ ନେଇ ଛତିଶଗଡ଼ ସରକାର ଆଗ୍ରହ ଦେଖାଉନାହନ୍ତି । ଓଡ଼ିଶା ନିଜ ଆଡୁ ବୈଠକ ଡାକୁଥିଲେ ବି ଛତିଶଗଡ଼ ସହଯୋଗ କରୁନି । ପ୍ରତିବର୍ଷ ସିଡବ୍ଲ୍ୟୁସି-ଛତିଶଗଡ଼-ଓଡ଼ିଶା ବୈଠକ ହୋଇଥାଏ ।"