ଭୁବନେଶ୍ବର:ଖୁବଶୀଘ୍ର କମିଶନରେଟ ପୋଲିସରେ ହେବାକୁ ଯାଉଛି ଆଇଆଇସି ସ୍ତରରେ ଅଦଳବଦଳ । ଅର୍ଥାତ କମିଶନରେଟରେ ଥିବା ସମସ୍ତ ଥାନା ସ୍ତରରେ ହେବ ଥାନାଧିକାରୀଙ୍କ ଅଦଳବଦଳ । ଏନେଇ ଡିଜିପିଙ୍କ ନିର୍ଦ୍ଦେଶ କ୍ରମେ ଜିଲ୍ଲା ବାହାରୁ କିଛି ଆଇଆଇସି କମିଶନରେଟକୁ ବଦଳି ହୋଇଥିବା ବେଳେ କମିଶନରେଟରୁ ମଧ୍ୟ କିଛିଙ୍କୁ ଜିଲ୍ଲା ବାହାରକୁ ଟ୍ରାନ୍ସଫର କରାଯାଇଛି । ସେହି କ୍ରମରେ ନିର୍ଦ୍ଦେଶ ମୁତାବକ ସମସ୍ତ ଆଇଆଇସି ହେଡକ୍ବାର୍ଟରରେ ଯୋଗଦେଇ ସାରିଛନ୍ତି ହେଲେ ଥାନା ଚାର୍ଜ ମିଳିନାହିଁ ।
ଫଳରେ ଖାଲିପଡିଛି ନନ୍ଦନକାନନ, ଧଉଳି ଓ ତମାଣ୍ଡୋ ଭଳି ଥାନାର ଥାନାବାବୁ ପଦ । ଏନେଇ ଖୁବଶୀଘ୍ର ଅଦଳବଦଳ ହେଲେ ଥାନାର ଥାନାଧିକାରି ଭାବେ ଚାର୍ଜ ନେବେ କମିଶନରେଟରେ ନିଯୁକ୍ତି ପାଇଥିବା ଅଫିସର । ତେବେ ରାଜଧାନୀର ଥାନାକୁ ନେଇ ଏବୋ ଚର୍ଚ୍ଚା ହେଉଥିବା ବେଳେ କଟକର ଥାନା ପାଇଁ ଭୁବନେଶ୍ବରରୁ କିଛି ଇନସ୍ପେକ୍ଟର ଯିବାକୁ ଇଛୁକ ।