ଭୁବନେଶ୍ବର: ଦିନକୁ ଦିନ ବଢିବାରେ ଲାଗିଛି ସଡକ ଦୁର୍ଘଟଣା । ସେ ବେପରୁଆ ଗାଡି ଚାଳନା ହେଉ କିମ୍ବା ଅନ୍ୟମନସ୍କତା । ଅକାରଣେ ଚାଲି ଯାଉଛି ଅନେକ ଜୀବନ କିମ୍ବା ପରିବାର ଉପରକୁ ମାଡି ଆସୁଛି ବିବାଦ । ଏପଟେ ରାଜଧାନୀରେ ଶନିବାର ଘଟିଛି ସଡକ ଦୁର୍ଘଟଣା । ଏକକାଳୀନ ମୁହାଁମୁହିଁ ହୋଇଛନ୍ତି କାର, ବାଇକ ଓ ଅଟୋ ।
ଆଚାର୍ଯ୍ୟବିହାର ଛକରେ ଘଟିଥିବା ଏହି ଦୁର୍ଘଟଣାରେ କାରରେ ଥିବା ସ୍ବାମୀ, ସ୍ତ୍ରୀ ଓ ଛୋଟ ଶିଶୁ ଗୁରୁତର ହୋଇଛନ୍ତି । ଅନ୍ୟପଟେ ବାଇକରେ ଥିବା ଦୁଇ ଜଣଙ୍କ ଅବସ୍ଥା ମଧ୍ୟ ଗୁରୁତର ହେବାର ସହ ଅଟୋ ଚାଳକ ଆହତ ହୋଇଛି । ସମସ୍ତ ଆହତଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ କ୍ୟାପିଟାଲ ହସ୍ପିଟାଲକୁ ସ୍ଥାନାନ୍ତର କରାଯାଇଛି ।