ଭୁବନେଶ୍ବର: ଗାଡିକଣା ସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିରରେ ନିଶା ଦ୍ରବ୍ୟକୁ ନେଇ ଆୟୋଜିତ ହୋଇଛି ସଚେତନତା କାର୍ଯ୍ୟକ୍ରମ । ବିଏସଏଫ ପକ୍ଷରୁ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଯୁବପିଢ଼ି କିପରି ଦେଶ ସେବା ପାଇଁ ନିଜକୁ ନିୟୋଜିତ କରିବେ ତାହା ଉପରେ ଗୁରୁତ୍ବ ଦିଆଯାଇଛି ।
ନିଶାଦ୍ରବ୍ୟକୁ ନେଇ ସ୍କୁଲରେ BSFର ସଚେତନତା କାର୍ଯ୍ୟକ୍ରମ
ଦେଶ ପାଇଁ ବଳି ଦାନ ଦେବାକୁ ପଛାଇବ ନାହିଁ ସେହି ବିଷୟରେ ସଚେତନ କରାଯାଇଥିଲା । ଏହା ସହିତ ନିଶା ଠାରୁ ଯୁବପିଢ଼ି ଦୁରେଇ ରହିବ ସେଥିପ୍ରତି ନଜର ଦେବା ଆବଶ୍ୟକ । କାରଣ ନିଶା ଆମ ଯୁବପିଢ଼ିକୁ କବଳିତ କରି ରଖିଛି । ଯାହାଠୁ ଦୂରରେ ରହି ଦେଶ ପ୍ରତି ନିଜର ସମର୍ପଣ ଭାବ ରଖିବ ସେଥିପାଇଁ ସେମାନଙ୍କୁ କୁହାଯାଇଛି । ଆଜାଦି କା ଅମୃତ ମହୋତ୍ସବ ନେଇ କାର୍ଯ୍ୟକ୍ରମ ଗୁଡିକ ଅନୁଷ୍ଠିତ କରାଯାଉଛି । ଅଧିକାରୀମାନେ ଛାତ୍ରମାନଙ୍କ ସହିତ ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ।