ଭୁବନେଶ୍ବର: ଦଲାଲଙ୍କ ହାତରେ ଆରଟିଓ, ଲାଇସେନ୍ସ ପାଇଁ ନେଉଛନ୍ତି ମୋଟା ଅଙ୍କର ଟଙ୍କା। ପରିବହନ ସଚିବଙ୍କ ନିର୍ଦ୍ଦେଶକୁ କାର୍ଯ୍ୟକାରୀ କରୁନାହାନ୍ତି ଆରଟିଓ । ଯାହାର ଫାଇଦା ନେଉଛନ୍ତି ଦଲାଲ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ମୋଟରଯାନ ଆଇନ-2019 ଲାଗୁ ହେଲା ପରେ ପୋଲିସ ଓ ଆରଟିଓ ପକ୍ଷରୁ କଡାକଡି ଯାଞ୍ଚ କରାଯାଇଥିଲା। ତେବେ ପରେ 3 ମାସ ଭିତରେ କାଗଜପତ୍ର ଠିକ୍ କରିବାକୁ ନିର୍ଦ୍ଦେଶ ଦିଆଯାଇଥିବାରୁ କାଗଜପତ୍ର ପାଇଁ ଆରଟିଓ ଆଗରେ ଲମ୍ବା ଲାଇନ ଦେଖିବାକୁ ମିଳୁଛି ।
ସେପଟେ ଏହି ଲାଇନର ଫାଇଦା ଉଠାଉଛନ୍ତି ଦଲାଲ । କିଏ ନିଜ ଲାଇସେନ୍ସ କରାଇବାକୁ ଅସୁଥିବାବେଳେ କିଏ ଗାଡି କାଗଜପତ୍ର ପାଇଁ ଆସୁଛନ୍ତି । ତେବେ ଏତେ ଲମ୍ବାଲାଇନ ଥିବାରୁ କେବେ କାଗଜପତ୍ର ମିଳିବ ସେନେଇ ଆଶଙ୍କାରେ ପଡୁଛନ୍ତି । ଯାହାର ଫାଇଦା ନେଇ ଦଲାଲ ମାନେ ମାତ୍ର 3 ଦିନରେ ସବୁ କରିଦେବେ କହି ଲୋକଙ୍କଠୁ ମୋଟା ଅଙ୍କର ଟଙ୍କା ନେଉଛନ୍ତି । ଲୋକମାନେ ବି କମ ସମୟରେ ପାଇବାକୁ ଖୁସିରେ ଖୁସିରେ ଟଙ୍କା ଦେଇଦେଉଛନ୍ତି । ଏପରି ଦେଖିବାକୁ ମିଳିଛି ଖୋଦ୍ ରାଜଧାନୀର ଆରଟିଓରେ ।