ଭୁବନେଶ୍ବର: ରାଜଧାନୀରେ ଘର ତିଆରି କରୁଛନ୍ତି କି? ସାବଧାନ ,ରାସ୍ତା ଉପରେ ବେଆଇନ ଗୋଡି, ଇଟା, ସିମେଣ୍ଟ ଠୁଳ କରନ୍ତୁ ନାହିଁ। ନଚେତ୍ ଆପଣଙ୍କ ପ୍ରତି ନିଆଯିବ କଡା କାର୍ଯ୍ୟାନୁଷ୍ଠାନ। କେବଳ ସେତିକି ନୁହେଁ ଦେବାକୁ ପଡିବ ମୋଟା ଅଙ୍କର ଫାଇନ।
ରାସ୍ତା ଉପରେ ନିର୍ମାଣ ଓ ଭଗ୍ନାବଶେଷ ବର୍ଜ୍ୟବସ୍ତୁ ବେଆଇନ ଗଦା ନେଇ କଠୋର ହେଲା ବିଏମସି। କଠିନ ବର୍ଜ୍ୟବସ୍ତୁ ପରିଚାଳନା ନେଇ ରାଜଧାନୀ ଭୁବନେଶ୍ବରରେ ନିର୍ମାଣ ଏବଂ ଭଗ୍ନାବଶେଷ ବର୍ଜ୍ୟବସ୍ତୁ ଅପବ୍ୟବହାର ନେଇ ବିଏମସି ପକ୍ଷରୁ ତତ୍ପରତା ଦେଖା ଦେଇଛି। ଏହାସହ ସ୍କ୍ବାର୍ଡ ଗଠନ କରାଯାଇ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି।