ଭୁବନେଶ୍ବର: କିଏ ହେବେ ଓଡିଶା ଯୁବ କଂଗ୍ରେସ ସଭାପତି? କାହାକୁ ବାଛିବେ ପିସିସି ସଭାପତି। ଏହି ପଦ ପାଇଁ ଅନେକ ଆଶାୟୀ ରହିଥିବା ବେଳେ ଯୋଗ୍ୟ ପ୍ରାର୍ଥୀ ପାଇଁ ମତାମତ ନିଆଯାଇଛି। ଏଥିସହିତ ନିର୍ବାଚନ ନା ଚୟନ ପଦ୍ଧତିରେ ନାମ ଘୋଷଣା କରାଯିବ ସେନେଇ ମତ ନିଆଯାଇଛି।
ଦୌଡ଼ରେ ରହିଛନ୍ତି ରାଜୀବ ପଟ୍ଟନାୟକ, ମନୋଜ ବିଶ୍ବାଳ, ନିରଞ୍ଜନ ନାୟକ, ଅଭିଷେକ ମାଣିଆ, ଲୋକନାଥ ମହାରଥୀ। ଏମାନଙ୍କ ମଧ୍ୟରୁ ଜଣଙ୍କୁ ବାଛିବେ ନେତା। କମିଟି ଏମାନଙ୍କ ନାମ ସୁପାରିଶ କରିଛି। ପିସିସି ସଭାପତି ଓ ଇଣ୍ଡିଆନ ୟୁଥ କଂଗ୍ରେସ ସଭାପତିଙ୍କ ନିକଟକୁ ତାଲିକା ପଠାଯିବ। ଏହାପରେ ମାସକ ମଧ୍ୟରେ ନାମ ଘୋଷଣା କରାଯିବ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ