ଭୁବନେଶ୍ବର: ରାଜ୍ୟରେ ବିଜେପି- ବିଜେଡି ମଧ୍ୟରେ ଥିବା ଘନିଷ୍ଠତାକୁ ନେଇ ଚାଲିଛି ଚର୍ଚ୍ଚା । ଉଭୟେ ଦଳ ଭାଇ ଭାଇ ବୋଲି ଚର୍ଚ୍ଚା ହେବା ପରେ ଏହାକୁ ଖଣ୍ଡନ କରିଛି ବିଜେପି । ଦଳ କହିଛି, ଶାସକ ଦଳର ବିରୋଧରେ ସବୁଠୁ ବଡ ବିରୋଧି ଦଳ ହେଉଛି ବିଜେପି । ଉଭୟ ଦଳ ମଧ୍ୟରେ କଦାପି ଭିତିରିଆ ସମ୍ପର୍କ ନାହିଁ । ବାହାରେ ହେଉଥିବା ଚର୍ଚ୍ଚାକୁ ଗୁଜବ ବୋଲି କହିଛି ଦଳ ।
ଗୁରୁବାର ଦଳ ପକ୍ଷରୁ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ବିରୋଧି ଦଳ ନେତା ପ୍ରଦୀପ୍ତ ନାୟକ ଏଭଳି ସୂଚନା ଦେଇଛନ୍ତି । ଏହି ଅବସରରେ ରାଜ୍ୟ ସରକାରଙ୍କୁ ଟାର୍ଗେଟ କରିବାକୁ ଜମାରୁ ବି ପଛାଇ ନଥିଲା ଦଳ । କେନ୍ଦ୍ରର ଯୋଜନାକୁ ନିଜ ଯୋଜନା ବୋଲି କହି ଲୋକଙ୍କୁ ଭୂଆଁ ବୁଲାଉଛନ୍ତି ରାଜ୍ୟ ସରକାର ବୋଲି ଦଳ ଅଭିଯୋଗ କରିଛି । ତେବେ ନିକଟରେ ଦୁଇ ଦଳ ମଧ୍ୟରେ ଘନିଷ୍ଠତା ବୃଦ୍ଧି ପାଇଛି ବୋଲି ଚର୍ଚ୍ଚା ଜୋର ଧରିଥିଲା । ଉଭୟେ ଭାଇ-ଭାଇ ବୋଲି ଚର୍ଚ୍ଚା ହେବା ପରେ ଏଭଳି ପ୍ରତିକ୍ରିୟା ରଖିଛି ଦଳ ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ