ରଥଯାତ୍ରା: ବଲିଉଡ ସିଙ୍ଗର କୈଳାଶ ଖେରଙ୍କ ସହ ଗୀତ ଗାଇଲେ ସମ୍ବିତ ପାତ୍ର

ମହାପ୍ରଭୁଙ୍କ ପବିତ୍ର ରଥଯାତ୍ରା ଅବସରରେ ବଲିଉଡ ସିଙ୍ଗର କୈଳାଶ ଖେରଙ୍କ ସହ ଗୀତ ଗାଇଛନ୍ତି ବିଜେପି ଜାତୀୟ ମୁଖପାତ୍ର ସମ୍ବିତ ପାତ୍ର । ଅଧିକ ପଢନ୍ତୁ...

ଭୁବନେଶ୍ବର: ଆସନ୍ତାକାଲି(ସୋମବାର) ମହାପ୍ରଭୁ ଜଗନ୍ନାଥଙ୍କ ପବିତ୍ର ଗୁଣ୍ଡିଚା ଯାତ୍ରା । ଏହି ରଥଯାତ୍ରା ଅବସରରେ ବିଜେପି ଜାତୀୟ ମୁଖପାତ୍ର ସମ୍ବିତ ପାତ୍ର ଜଗନ୍ନାଥ ଅଷ୍ଟକମ ସଂଗୀତ ଗାଇଛନ୍ତି । ବଲିଉଡ ସୁନାମଧନ୍ୟ କଣ୍ଠଶିଳ୍ପୀ କୈଳାଶ ଖରଙ୍କ ସହ ସେ ଏହି ଗୀତ ଗାଇଥିବାବେଳେ ଆଜି ଏହା ମୁକ୍ତିଲାଭ କରିଛି ।

ଏହି ଜଗନ୍ନାଥ ଅଷ୍ଟକମ ଆଦି ଶଙ୍କରାଚାର୍ଯ୍ୟଙ୍କ ଦ୍ବାରା ରଚନା କରାଯାଇଛି । ଏହି ସଂଗୀତର ଟାଇଟଲ ଜଗନ୍ନାଥ ସ୍ବାମୀ ରଖାଯାଇଛି । ଏହାକୁ ପଦ୍ମଶ୍ରୀ ତଥା ବଲିଉଡର ଲୋକପ୍ରିୟ କଣ୍ଠଶିଳ୍ପୀ କୈଳାଶ ଖେର ଗାଇଥିବା ବେଳେ ତାଙ୍କ ସହ ତାଳ ଦେଇଛନ୍ତି ସମ୍ବିତ । ଏହି ସଂଗୀତର ଉନ୍ମୋଚନ ସମୟରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ପୁରୀ ବିଧାୟକ ଜୟନ୍ତ ଷଡଙ୍ଗୀ ଉପସ୍ଥିତ ଥିଲେ ।

ପ୍ରଭୁ ଜଗନ୍ନାଥଙ୍କ ରଥଯାତ୍ରା ଅବସରରେ ସମ୍ବିତ ଏହି ସଂଗୀତ ଗାଇଥିବା ସୂଚନା ଦେଇଛନ୍ତି । ଏ ସମ୍ପର୍କରେ ସମ୍ବିତ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ନିଜ ଟ୍ବିଟର ଆକାଉଣ୍ଟରେ ପୋଷ୍ଟ କରି ଫ୍ୟାନ୍ସଙ୍କୁ ସୂଚନା ଦେଇଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ