ଭୁବନେଶ୍ବର: ରଥଯାତ୍ରା ନିଷ୍ପତ୍ତି ବିଳମ୍ବ ନେଇ ସରକାରଙ୍କୁ ନିଶାନା କଲେ ବରିଷ୍ଠ ବିଜେପି ନେତା ବିଜୟ ମହାପାତ୍ର । ଅଦାଲତରେ ହେଉଥିବା ମାମଲାକୁ ପ୍ରାୟୋଜିତ ମାମଲା କହିବା ସହ ରଥଯାତ୍ରା ନ କରିବାକୁ ସରକାର ଚାହୁଁଛନ୍ତି ବୋଲି ସନ୍ଦେହ ହେଉଥିବା ସେ କହିଛନ୍ତି ।
ସେହିପରି ସେବାୟତ ଓ ଜଗନ୍ନାଥ ପ୍ରେମୀଙ୍କ ମନରେ ମଧ୍ୟ ସନ୍ଦେହ ସୃଷ୍ଟି ହୋଇଛି । ସୁପ୍ରିମକୋର୍ଟରେ ସମୁଦାୟ 3ଟି ମାମଲା କରାଯାଇଛି । 2 ଟି ରଥଯାତ୍ରା ବନ୍ଦ ଓ ଗୋଟିଏ ଯାତ୍ରା କରିବାକୁ । ମୁଁ ଆଜି ପୁରୀ ଯାଉଛି ସେବାୟତ ପ୍ରତିନିଧି ଓ ଶଙ୍କରାଚାର୍ଯ୍ୟଙ୍କ ସହ ଆଲୋଚନା କରିବି ବୋଲି ସେ ଦର୍ଶାଇଛନ୍ତି ।
ଏହାସହ ଏଠି ଅଧିକାରୀଙ୍କ ପାଇଁ ନେତା ବିବୃତି ଦେଉଛନ୍ତି । ଏହା ଏକ ଅଦ୍ଭୁତ ଧାରା । ଦଳର ନେତା ଆସି ମୃଷ୍ଟିମେୟ ଅଫିସରଙ୍କୁ ସୁରକ୍ଷା ଦେଉଛନ୍ତି । ସେ ଶ୍ରୀମନ୍ଦିର ହେଉ ଅବା ମାସ୍କ ଦୁର୍ନୀତି ହେଉ । ମନ୍ଦିର ପ୍ରଶାସନ ଦୁଇ ଥର ସରକାରଙ୍କୁ ଚିଠି ଲେଖିଲାଣି କିନ୍ତୁ ସରକାର ଉତ୍ତର ଦେଇ ନାହାଁନ୍ତି । କେନ୍ଦ୍ର ସରକାର ମନ୍ଦିରରେ ଦର୍ଶନର କଟକଣା ହଟାଇଛନ୍ତି । ରଥଯାତ୍ରା କଲେ ସରକାରଙ୍କୁ କଟକଣା ହଟାଇବାକୁ ପଡିବ । ପରସ୍ପର ବିରୋଧୀ କଥା କରୁଥିବାରୁ ସନ୍ଦେହ ହେଉଛି ବୋଲି ସେ ଉଲ୍ଲେଖ କରିଛନ୍ତି ।