ଭୁବନେଶ୍ବର: ପୂର୍ବତନ ମନ୍ତ୍ରୀ ତଥା ପିପିଲି ବିଧାୟକ ପ୍ରଦୀପ ମହାରଥୀଙ୍କ ନାଁରେ ଜମିହଡପ ଅଭିଯୋଗ । ଲୋକାୟୁକ୍ତରେ ଅଭିଯୋଗ ରୁଜୁ କଲା ବିଜେପି। ପ୍ରଦୀପ ମହାରଥୀ ୧୦୦ କୋଟି ଟଙ୍କାର ସରକାରୀ ଜମି ମାଡିବସିଛନ୍ତି ଏବଂ ଭଲ ଭଲ କଥା କହି ଲୋକଙ୍କୁ ଫାଙ୍କୁଛନ୍ତି। ଏଭଳି ସଙ୍ଗୀନ ଅଭିଯୋଗ ଆଣିଛି ବିଜେପି ।
ବିଜେପି ଅଭିଯୋଗ ଅନୁଯାୟୀ, ମହାରଥୀ ତାଙ୍କ ହୁକେଇପୁର ଫାର୍ମ ହାଉସ ନାଁରେ କୋଟିକୋଟି ଟଙ୍କାର ଜମି କରିଛନ୍ତି । ଏହି ଘଟଣାକୁ ନେଇ ଲୋକାୟୁକ୍ତଙ୍କ ନିକଟରେ ବିଜେପି ଅଭିଯୋଗ ଆଣିଛି। ଲୋକାୟୁକ୍ତ ଏହାର ତଦନ୍ତ କରିବେ ବୋଲି ଆଶ୍ବସନା ଦେଇଛନ୍ତି । ଉକ୍ତ ଘଟଣାକୁ ତଦନ୍ତ କରିବାକୁ ନେଇ ଜିଲ୍ଲାପାଳଙ୍କୁ ନିର୍ଦ୍ଦେଶ ରହିଥିଲା । ହେଲେ ଜିଲ୍ଲାପାଳ କୌଣସି ନିଷ୍ପତି ନେଇନାହାଁନ୍ତି । କାରଣ ସେ ମଧ୍ୟ 56 ଏକର ଗୋଚର ଜମି ହଡ଼ପ କରିଛନ୍ତି । ଏହାର ଖୁବଶୀଘ୍ର ତଦନ୍ତ କରାଯାଉ ବୋଲି ଲୋକାଯୁକ୍ତଙ୍କ ନିକଟରେ ବିଜେପି ମୁଖପତ୍ର ଗୋଲକ ମହାପାତ୍ର ଅନୁରୋଧ କରିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ