ଅନୁପ ସାଏ ପ୍ରସଙ୍ଗରେ ମୁହଁ ଖୋଲିଲା ବିଜେଡି

ଅନୁପ ସାଏ ପ୍ରସଙ୍ଗରେ ମୁହଁ ଖୋଲିଲା ବିଜେଡି । ଗତକାଲି ଅନୁପ ସାଏଙ୍କୁ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଦଳରୁ ବହିଷ୍କୃତ କରିଥିବାବେଳେ ଆଜି ଏହା ଉପରେ ମତ ରଖିଛନ୍ତି ବିଜେଡି ମୁଖପାତ୍ର ଲେଲିନ ମହାନ୍ତି ।

ଭୁବନେଶ୍ବର: ଅନୁପ ସାଏ ପ୍ରସଙ୍ଗରେ ମୁହଁ ଖୋଲିଲା ବିଜେଡି । ଗତକାଲି ଅନୁପ ସାଏଙ୍କୁ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଦଳରୁ ବହିଷ୍କୃତ କରିଥିବାବେଳେ ଆଜି ଏହା ଉପରେ ମତ ରଖିଛନ୍ତି ବିଜେଡି ମୁଖପାତ୍ର ଲେଲିନ ମହାନ୍ତି ।

ଅପରାଧ ଓ ଦୁର୍ନୀତି କ୍ଷେତ୍ରରେ ମୁଖ୍ୟମନ୍ତ୍ରୀ ଜିରୋ ଟଲରାନ୍ସ ନୀତି ଆପଣାଉଥିବାରୁ ଲେଲିନ ମହାନ୍ତି, ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଇଛନ୍ତି । ହତ୍ୟାକାଣ୍ଡରେ ଅନୁପ ସାଏଙ୍କ ଲିଙ୍କ ଦେଖି ତାଙ୍କୁ ଦଳରୁ ଓ ପଣ୍ୟଗାର ନିଗମରୁ ବହିଷ୍କୃତ କରାଯାଇଛି । ଏଥିରୁ ସ୍ପଷ୍ଟ ବିଜେଡି ସୁପ୍ରିମୋଙ୍କ ପାଇଁ ଆଇନର ଉର୍ଦ୍ଧ୍ବରେ କେହି ନୁହଁନ୍ତି ଏବଂ ସମସ୍ତେ ଆଇନର ଗଣ୍ଡି ଭିତରେ ବୋଲି ଲେଲିନ କହିଛନ୍ତି ।

ଯିଏ ବି ଆଇନକୁ ହାତକୁ ନେବ ବା ଆଇନର ଉର୍ଦ୍ଧ୍ବକୁ ଯିବାକୁ ଚେଷ୍ଟା କରିବ, ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବ । ଯାହା ସେ ଦୁଇ ଦଶନ୍ଧି ଧରି କରି ଆସିଛନ୍ତି ବୋଲି ମଧ୍ୟ ସେ ଦର୍ଶାଇଛନ୍ତି ।

ଭୁବନେଶ୍ବରରୁ ତପନ ଦାସ, ଇଟିଭି ଭାରତ